Función del paloteau (Erribera)

1976 eta 1977. urteetan zehar Erribera izeneko ikerketa kanpainak burutu zituen Ortzadarrek paloteau deituriko dantzak eta antzezpenak berreskuratzeko asmoz.

Fruitua ezin oparoagoa izan zen: Corella eta, batik bat Murchanteko dantzak berreskuratu ziren. Horretarako Nafarroako Erriberan ez ezik, Aragoiko mugako herrietan ere abiatu zen ikerketa.

Bildutako materialekin 1978. urtean Erribera izeneko ikusgarria taularatu zuen Ortzadarrek. Bertan orduko gai politiko eta sozialetan oinarritutako paloteau funtzioa azaltzen zen: lau pertsonaia nagusiek (mayoral artzainburua-, rabadán artzaina-, deabrua eta aingerua) bertsoen bidez, urtean zehar herrian gertaturiko pasadizoak eta kritika sozialez beteriko testuak agertu zituzten. Tartean, dantzak ere dantzatu ziren. Tamalez, oso berandu iritsi ginen beste herri askotako paloteauak berreskuratzeko (Monteagudo, Cintruénigo)

Bideo hau 1982. urtean Ortzadarrek "Principe de Viana" erakundearentzat, Koldo Lasaren zuzendaritzapean, grabatu zuenaren zati bat da.

Dantzarien janzkera Murtxantekoa litzateke.

Category:

Entertainment

Tags:

• OrtzadarEFE
• Ortzadar
• Euskal
• Folklore
• Elkartea
• Erribera
• paloteau
• teatro
• PrincipedeViana