Kapampangan song Aniang Malati Ku:

ANIANG MALATI CU
(author and composer: unknown)

E cu pa quelinguan aniang malati cu
Malati ca naman icang caquialung cu
Maligaya cu bie queti babo yatu
Uling balang saglit ati ca siping cu

Lalam balag opu tibis na nitang lual
Siping ning talaga lele ning talacsan
Babo ning garosa 'tin catang pialungan
Perang calapanti darapuc tong bican

Itang bulung saguin quinua cung pengili
Pilit cung lalala gagawan cung dase
Oneng ica naman pilit cang lalawe
Uling magtinda cang miayaliwang gule

'Tin catang pialungan picu ampong sintac
Ninu mang masambut parusan teng terac
Dapot yacu rugu mewala cung palad
Pigtiririn mu cu saca cu tinerac

Cabang teterac cu lulundag lulucsu
Agnan ing sagacgac pacpac ding gamat mu
E mu cu ticnangan angang mepagal cu
Icua cung sinunga tinulu'ing pawas cu

'Tin catang pialungan e cu pa quelinguan
'Niang mamialung cata quing bale-balayan
Gin'wa catang anac manica yang basan
Cabang pagcanta que titerac mu ne man

'Niang miras ing bengi paintunan da na ca
Ding quecang pengari uling mewala ca
Pero era balu piniapuldung daca
Nung aniapin ngeni pitu nong anac ta

Aniang Malati Ku is a folksong (basultu) in Kapampangan, the language of Pampanga, home province of Philippines President Gloria Arroyo.

It is being prtesented by the Academia Ning Amanung Sisuan International whose goal is to keep
Kapampangan alive, as well as to promote the culture of its speakers.

-- Ernie Turla (in picture) and Jun Pingul (vocalist and guitarist).

Category:

Music

Tags:

• Kapampangan
• Pampanga
• basulto
• Philippines
• Holy
• Angel
• University

[chefcicer]

Tatang Ernie, baka pwede ye pu i post itang kwarenta dias ning uran.. salamat pung dakal keng masanting yung siuala, pra ibiayan ing kekatamung amanung sisuan.

[ernieturla]

Dakal a salamat, aling. Dapot pagkalungkutan kung sabyan, e ke

ata balu ing amanwan mu, eh.

[bernald619]

salamat a dakal keng maupaya at atin kapangan abiyasang magkanta kalupa u mang ernie sana dagdagan u ing record ung kantang kapangpangan salamat pu aku i al taga tarlac kupu capas atsu ngeni keni america balen na ning kentucky

[ernieturla]

Salamat keng kekang comment, bernald.

Sana abye me kaku ing e-mail address mu neng atyu ka pala king Kentucky.

[khimmy18]

Tang Ernie, ok mu pu ba nung manyad kung lyrics na ning kantang 'ANYANG MALATI CU'? actually Sira ya man pu ing audio na ning laptop ku nia eko rugu daramdaman ding kanta yu.pero basi karing comments yu pu masanting kayu pu talaga bosis. sana pu nung e abala kekau paki biye ye pu ing lyrics na ning kanta. Dakal pung salamat. God Bless!

[ernieturla]

Khimmy, deng words akit mo keng banda nang wanan ning screen. Just click "more info" to see all of the song.

[kusuwaje]

sana atin la pung lyrics..

bang akopya mila. kc pu keng iskwela deng anak kailanagan dala deng lyrics..

dakal pung salamat..

kagaling na po ing bosis yo..

[dbgarcia8463]

o bapa ok ya ing kanta mu atatandanan ke pa kasi nyang anak ku tiru de reng bapa ku at daraku.balu yu neman tang kantang A 25 NING FEBRERO at 2 BAYANI NING BALAYAN

[marnellidavid]

tang, ka-cute yu naman po :) kasanting yu pu boses.. ngeni kepa a-appreciate ing kantang ini, love story ya pu pala ne.. kasanting na, makatula yang puso.... salamat po, makalako yang homesick... good health pu kekayu and Godbless...

[apolonyak]

hello.. pwede kayu pu bang magupload keni na puro instrumental na kapampangan songs.. buri kula pu kcng kakanta ding kapampangan songs like maring2, eka mamako, atsi kung rusing tsaka pu oh patag a bunduk at anyang malati ku..... thankyou pu...

[jajab0o0gz]

nice song....a mi-miss ke tuloy itang kababata ku...nokarin ka man ngeni sana maging masaya ing life mu and don't worry ill pray for your happiness...(kasakit na talaga nitang bolang aytang anyang beronga muku...aliku akalingawan angang ngening matua tana)

[ANGELinBED]

salamat  pu keng pag upload ...

[tristandabu]

Salamat apung ernie,kasanting napu ning kanta!!

[tristandabu]

Salamat pu apung ernie keng kanta!!!ayalala kula ri apu ku!!!

[knightslucky]

hahahaha casanting na naman po maka pacayli ya

[MrBibz111208]

i like that.............