دلعونة النجاح - فرقة الغرباء - الشاعر أبو عاطف الشجراوي

فرقة الغرباء تحيي حفل تخرج في جامعة النجاح بنابلس بتاريخ 23/04/2007 وتغنّي على دلعونة الخريجين من تأليف الشاعر إياد عاطف حياتله




أنا من قلبي بَ حيّي جامعتي
خيار الناس بصفوفك جَمعتي
أساتذتي وزملائي وجماعتي
الصبايا والدكاترة والشباااب
***
إلى فلسطين إبنهدي عِلِمنا
تَنرفع بالسما عالي عَلَمنا
بهالجامعة تعلّمنا وعَلِمْنا
ترابك يا وطن مثل الذهِبْ

على دلعونا وعلى دلعونا = واحنا تخرّجنا لاْجْل فلسطينا

***
بعلمي وبسلاحي بحرّر بلادي = وبطّهر أرضي من الأعادي
ولمّا علينا يا أقصى تنادي = تلقى كتيبة من الخرّيجينا
***
يا محلى الفرحة ومحلى النّجاحِ = وفجر الحرّية عَ الوطن لاحِ
حيّاهم الله أهل النّجاحِ = يومٍ بالعِلِم يتمسّكونا
***
نابلس الثورة يا جبال النّارِ = فيها جامعتي إمّ الأحرارِ
منها تخرّجنا عُلما وثوّارِ = نتحدّى العدا وبني صهيونا
***
يمّا يا يمّا إرفعي راسِكْ = وآنا جاييكي الشّهادة ماسِكْ
يا فلسطيني رح نبني ساسِكْ = ونعلّي صيتك ع اطراف الكونا
***
يا بوي الغالي وجودك شرّفني = على المعالي والله شجّعني
بدعي لربّي يعطيك الجنّه = مع الصّحابة والنّبيينا
***
أخوي وأختي هالْ شجّعوني = بعطيهم والله روحي وعيوني
ولادي وبناتي ومرتي الحنونه = معهم فرحتنا بيجنّ جنونا
***
أستاذي حدّي ودكتوري جنبي = الله يخلّيهم يحفظهم ربّي
والله مَ اْنساهم ، ما بنسى كتبي = قلبي وحياتي ونورِ العيونا
***
جيبوا الكنافة هالنابلسيّه = حتّى نتحلّى مِيّه عَ مِيّه
واللّي ما تخرّج إيشدّ شويّه = والسنة الجاية موعدنا هونا
***
يا عبد الناصر يا محمّد صبحه = تمنّينا تكونوا معنا بالفرحه
طيور الحريّة بكرا رح تِصحى = وأسرى جامعتي يتحرّرونا
***
بيوم التخرّج ما بنسى اخواني = الأبطال الشّهدا وقيس العدوانِ
نجحوا بالدّرس والإمتحانِ = وكرمى للوطن إستشهدونا
***
إحنا درسنا وجبنا الشهادة = لكن مُنيتنا ننال الشهادة
بَدعي لَ ألله ربّ العبادِ = يحقّق رجانا بنصر مضمونا
***
على دلعونا وعلى دلعونا = واحنا تخرّجنا لاْجْل فلسطينا

Category:

Music

Tags:

• إياد
• حياتله
• عاطف
• الشجراوي
• وطن
• غربة
• فلسطين
• لجوء
• شهداء
• شعر
• قصائد
• مخيّم
• palestine
• poetry
• poems
• exile
• Iyad
• Hayatleh

[andalus2009]

ولا من زمااااااان ما سمعت للغرباء لعنت الله على ولاد فتحية حرمونا هيك اصوات لعنه الله على فتح وعلى ابو مازن قولوووو اميييييييين .

[alsabi20000]

masha allah i love this group the best if you can any of you guys put mor nashed for them thankssssss...................­..

[7AMSAWI4LIFE]

very nice,,, best nashead group mashaALLAH