Sheeshon Ka Maseeha Koi Nahi شیشوں کا مسیحا کوئی نہیں
Loading...
Uploaded by izzah01 on Dec 3, 2011
Poet: Faiz Ahmed Faiz - شاعر: فیض احمد فیض
Vocalist: Faiz Ahmed Faiz & Tina Sani - کلام گو: فیض احمد فیض اور ٹینا ثانی
موتی ہو کہ شیشہ، جام کہ دُر
جو ٹوٹ گیا، سو ٹوٹ گیا
کب اشکوں سے جڑ سکتا ہے
جو ٹوٹ گیا ، سو چھوٹ گیا
تم ناحق ٹکڑے چن چن کر
دامن میں چھپائے بیٹھے ہو
شیشوں کا مسیحا کوئی نہیں
کیا آس لگائے بیٹھے ہو
شاید کہ انہی ٹکڑوں میں کہیں
وہ ساغرِ دل ہے جس میں کبھی
صد ناز سے اُترا کرتی تھی
صہبائے غمِ جاناں کی پری
پھر دنیا والوں نے تم سے
یہ ساغر لے کر پھوڑ دیا
جو مے تھی بہا دی مٹی میں
مہمان کا شہپر توڑ دیا
یہ رنگیں ریزے ہیں شاید
اُن شوخ بلوریں سپنوں کے
تم مست جوانی میں جن سے
خلوت کو سجایا کرتے تھے
ناداری، دفتر، بھوک اور غم
ان سپنوں سے ٹکراتے رہے
بے رحم تھا چو مکھ پتھراؤ
یہ کانچ کے ڈھانچے کیا کرتے
یا شاید ان ذروں میں کہیں
موتی ہے تمہاری عزت کا
وہ جس سے تمہارے عجز پہ بھی
شمشاد قدوں نے رشک کیا
اس مال کی دھن میں پھرتے تھے
تاجر بھی بہت، رہزن بھی کئی
ہے چور نگر، یا مفلس کی
گر جان بچی تو آن گئی
یہ ساغر، شیشے، لعل و گہر
سالم ہوں تو قیمت پاتے ہیں
یوں ٹکڑے ٹکڑے ہوں، تو فقط
چبھتے ہیں، لہو رُلواتے ہیں
تم ناحق شیشے چن چن کر
دامن میں چھپائے بیٹھے ہو
شیشوں کا مسیحا کوئی نہیں
کیا آس لگائے بیٹھے ہو
یادوں کے گریبانوں کے رفو
پر دل کی گزر کب ہوتی ہے
اک بخیہ اُدھیڑا، ایک سیا
یوں عمر بسر کب ہوتی ہے
اس کارگہِ ہستی میں جہاں
یہ ساغر، شیشے ڈھلتے ہیں
ہر شے کا بدل مل سکتا ہے
سب دامن پر ہو سکتے ہیں
جو ہاتھ بڑھے ، یاور ہے یہاں
جو آنکھ اُٹھے، وہ بختاور
یاں دھن دولت کا انت نہیں
ہوں گھات میں ڈاکو لاکھ ، مگر
کب لوٹ جھپٹ سے ہستی کی
دوکانیں خالی ہوتی ہیں
یاں پربت پربت ہیرے ہیں
یاں ساگر ساگر موتی ہیں
کچھ لوگ ہیں جو اس دولت پر
پردے لٹکاتے پھرتے ہیں
ہر پربت کو، ہر ساگر کو
نیلام چڑھاتے پھرتے ہیں
کچھ وہ بھی ہیں جو لڑ بھِڑ کر
یہ پردے نوچ گراتے ہیں
ہستی کے اُٹھائی گیروں کی
ہر چال اُلجھائے جاتے ہیں
ان دونوں میں رَن پڑتا ہے
نِت بستی بستی نگر نگر
ہر بستے گھر کے سینے میں
ہر چلتی راہ کے ماتھے پر
یہ کالک بھرتے پھرتے ہیں
وہ جوت جگاتے رہتے ہیں
یہ آگ لگاتے پھرتے ہیں
وہ آگ بجھاتے رہتے ہیں
سب ساغر، شیشے، لعل و گوہر
اس بازی میں بَد جاتے ہیں
اُٹھو سب خالی ہاتھوں کو
اس رَن سے بلاوے آتے ہیں
9:08
وہ بتوں نے ڈالے ہیں وسوسے،کہ دلوں سے خوف خدا گیا۔۔۔!!!۔by ssaaqii1,001 views- 3:36
Zindagi Shart Hai,Tina Sani,▀█▀ υмяαήί •♥• ᶫᵒᵛᵉᵧₒᵤ♡by hunnNdassS319 views
- 5:56
Har Cheez Hai Mehv-e-Khud Numai ہر چیز ہے محوِ خود نمائیby izzah01983 views
- 5:12
Mere Charagar میرے چارہ گرby izzah017,391 views
- 6:11
Ab Tak Mujhe Na Koi - اب تک مجھے نہ کوئیby izzah01477 views
- 6:53
Gar mujhe iss ka yakeen ho (Tina Sani)by KhurramDBG54,306 views
- 2:08
Determination - CGI Version - HDby TTTEpisodes18,635 views
- 6:23
Woh Humsafar Tha وہ ہمسفر تھاby izzah016,480 views
- 4:07
Kuch Dil Nain Kaha? - کچھ دل نے کہا؟by izzah01460 views
- 5:15
Kabhi Kisi Ko Mukammal Jahan Nahi Milta - کبھی کسی کو مکمل جہاں نہیں ملتاby izzah017,916 views
- 2:38
Bhalay Dinon Ki Baat Hai_ASby 000dua0002,583 views
- 7:43
Dil Hoom Hoom Karay دل ہوم ہوم کرےby izzah01983 views
- 4:19
Sunn Re Moray Piary Sajna سن رے مورے پیارے ساجناby izzah01395 views
- 7:16
Shad Bashay Ishq - Hail Love - شاد باش اے عشقby izzah011,175 views
- 3:24
Tu Jo Nahi Hai Tou تُو جو نہیں ہے توby izzah01545 views
- 6:52
Khirad Mandon Se Kia Poochon خرد مندوں سے کیا پوچھوںby izzah011,146 views
- 3:26
Jo Main Jaanati Bisrat Hain Saiaan جو میں جانتی بسرت ہیں سیّاںby izzah011,670 views
- 8:53
Dasht E Tanhai Main - دشتِ تنہائی میںby izzah011,205 views
- 5:25
Aa'i'yay Haath Uyhaa'ain Hum Bhi...!!!by ssaaqii1,203 views
- 5:03
Kashti Ka Khamosh Safar Hay کشتی کا خاموش سفر ہےby izzah01675 views
CLASSIC :)
deedarnabi 3 weeks ago