Kulla e Isa Boletinit Mitrovice

Isa Boletini (1864- 1916), atdhetar i shquar, strateg popullor, organizator e udhëheqës i lëvizjeve për çlirim e bashkim kombëtar, Hero i Popullit. Lindi në fshatin Boletin të Mitrovicës, në një familje me tradita patriotike. Në moshën 17 vjeçare mori pjesë si luftëtar i Lidhjes Shqiptare të Prizrenit në betejën e Slivovës (22 prill 1881) kundër forcave osmane. Përkrahu Haxhi Zekën dhe atdhetarët e tjerë në themelimin e Lidhjes Shqiptare të Pejës (1899-1900) dhe në qëndresën e saj kundër sunduesve osmanë dhe qarqeve shoviniste fqinjë.

Më 1901-1902 u vu në krye të qëndresës popullore në Kosovë kundër ndërhyrjeve të Serbisë, Malit të Zi, Rusisë e Austro-Hungarisë në Shqipëri. Për këtë arësye u thirr në Stamboll, ku u mbajt i izoluar deri më 1906. Isa Boletini përkrahu revolucionin xhonturk të vitit 1908, ishte një nga organizatorët e Kuvendit të Ferizajt (1908) që luajti rol të rëndësishëm në shpalljen e Kushtetutës. Iu kundërvu politikës reaksionare e antishqiptare të xhonturqve. U dallua si udhëheqës e organizator i kryengritjeve të mëdha popullore antiosmane të viteve 1910-1912. Udhëhoqi luftëtarët në betejat e zhvilluara me ushtrinë turke në zonat Shtimlje-Carralevë më 1910, mbështeti kryengritjen antiosmane të v. 1911, udhëhoqi forcat kryengritëse në zonën Drenicë-Mitrovicë dhe Podujevë-Prishtinë më 1912. Gjatë Luftës Ballkanike në tetor 1912, u vu në krye të çetave të armatosura vullnetare për mbrojtjen e trojeve shqiptare kundër pushtuesve serbë.

Në ditët e pavarësisë, në krye të përfaqësuesve të Kosovës, u ndodh përkrah Ismail Qemalit në Vlorë dhe mori pjesë aktive në organizimin e forcave të armatosura për mbrojtjen e Qeverisë së Përkohshme të Vlorës. Më 1913, si anëtar i delegacionit shqiptar, së bashku me Ismail Qemali shkoi në Londër, ku protestoi me forcë kundër vendimit të Fuqive të Mëdha për copëtimin e Shqipërisë. Më vonë Isa Boletini kaloi përsëri në Kosovë, ku organizoi qëndresën popullore kundër pushtuesve të rinj serbo-malazezë. Duke e kaluar jetën në luftë e përpjekje dhe me urtësinë e tij, fitoi autoritet të madh si udhëheqës popullor. Isa Boletini e lidhi jetën e tij e të familjes me fatin e atdheut, dashurinë e besnikërinë ndaj të cilit e shprehu me fjalët "Unë jam mirë kur asht mirë Shqipnia". Më 23 janar 1916 u vra pabesisht nga shovinistët malazezë në Podgoricë, së bashku me të bijtë Halili dhe Zahidi, nipërit Jonuzin dhe Haliti dhe tre luftëtarë të tjerë. (F. M.)

Category:

Education

Tags:

• Isa Boletini
• Hero
• Patriot
• Shqiptar
• Kosove
• Shqipri
• Vlore
• Shkoder
• Prekaz
• Drenic
• Isniq
• Preshev
• Tetov
• Prespa
• Ulqini

[adamnfl]

We are going to travel to Mitrovica this March and we would like to visit the kulla of Isa Boletini. Unfortunately I can't find any contact for this village. Could you give the e-mail address of the owners? Thank you very much!

[MEINEdummheit]

qysi trimi i vyn kosoves qi se ka rrejt kurr shqiptarin e se ka vjedh lavdi kti trim te madh

[Bajgora09]

kujto40; SHPRESOJM QE NE VITIN TJETER TA VORROSIM KOMANDANTIN EKOMBIT SHQIPTAR ISA BOLETININ PO ATY KU EKA VENIN DHE KU ITAKON JOM KRENAR QE JOM SHALJON NDERIME TE PERZEMRTA NGA SKENDER BAJGORA SHALJANI ;LAVDI ISA BOLETINIT DHE TE GJITH ATYRE QE RAN PER LIRIN EKOMBIT SHQIPTAR LAVDI:

[1Patrioti]

me pelqen shume kur e the ate fjalen QUPRI ku shume shqiptar fatkeqsisht nuk e din.flm qe ke postu ket video edhe verejtje shume e madhe dhe turp per qeverin e Kosoves qe ende nuk eshte ne gjendje ti sjell eshtat e ISA Boletinit tek kulla e tij pasiqe thuhet se jan ne nje gjami ne mitrovice.