Hjoed: Ein DSB-maratonploech tichtby

As it fallisemint fan 'e DSB-bank útsprutsen wurdt is dat de ein fan 'e DSB-maratonploech. Op dit stuit is de jildoanfier nei de maratonriders al ôfsletten. It team is hielendal ôfhinklik fan 'e bank, sa seit ploechlieder Peter de Vries.

Yn de DSB-ploech ride ûnder oare Ingmar Berga by de manlju en Maria Sterk en Elma de Vries by de froulju. In part fan 'e ploech libbet hielendal fan it riden. Foar dy groep betsjut it fallisemint dat se wurkleas wurde.
Peter de Vries wurket twa dagen by de maratonploech en trije dagen by fuotbalklup AZ. Hy hat de tasizzing dat hy hielendal by AZ yn tsjinst komme kin as de maratonploech opdûkt wurdt. Ek de langebaanploech fan DSB, mei ûnder oare Sjoerd de Vries, hâldt op te bestean as de DSB-bank fallyt giet. Mar de leden dêrfan krije mooglik help fan de KNSB yn de tarieding nei de Olympyske Spelen fan Vancouver. Dirk Scheringa stuts oant no ta alle jierren sa'n fiif miljoen euro yn it reedriden.

Category:

News & Politics

Tags:

• DSB
• Omrop Fryslan
• DSB-maratonploech
• maratonploeg