I Maratón Pesca por Parellas, Portodemouros; Arzúa

O concurso, o primeiro destas características, está organizado polo establecemento especializado Remanso, ubicado en O Pino.
Un xeito diferente e sobre todo, libre, de facer unha xuntanza de pescadores. Con esta filosofía organiza Xosé Ramón Carril, responsable da tenda Remanso caza e pesca, este I Maratón de Pesca por Parellas, que se vai celebrar o sábado, 20 de xuño, no arzuán encoro de Portodemouros. Carril fuxe do termo campionato, porque aquí existe unha gran flexibilidade: o pescador pode escoller o tramo que queira, o cebo a utilizar e a modalidade de pesca. E por riba non vai estar só, porque se pesca en parella. Algo que parece gustar moito aos participantes que xa se anotaron, que incluso cavilan orixinais nomes para os equipos.
A inscrición, que ten un coste de 10€, inclúe Seguro de Responsabilidade Civil, un bocadillo, froita e bebida. O prazo para anotarse está aberto ata o día 19 de xuño. O lugar para facelo é a tenda Remanso, na Rúa do Concello (Pedrouzo, Arca, O Pino) ou ben chamando ao número 981 51 13 80. A clasificación será en dúas categorías, por un lado troitas e por outro escalos. Na categoría de troitas acadarán 250 puntos por cada peza máis un punto por gramo e no caso de coller o cupo de 10 troitas por parella sumarán 200 puntos a maiores. Na categoría de escalo acadarán 1 punto por gramo.

Category:

News & Politics

Tags:

• dezTV
• CanalDeza
• Lalín
• Deza
• Arzua
• pesca
• maraton
• campionato
• Portodemouros
• Pedrouzo
• Arca
• Pino