Film in which there appear... (Owen Land)

O pó acumulado sobre o celuloide constitúese en elemento estético en Film in Which There Appear Sprocket Holes, Edge Lettering, Dirt Particles, Etc, na que o autor retoma unha imaxe preexistente dunha muller (proba de cor e enfoque de Kodak), facéndoa ocupar unha sección da pantalla, reservando o resto do espacio para os elementos anunciados no título. Descoidando a limpeza durante o revelado provócase que as partículas de pó xoguen un papel estético. Na película vemos un só plano medio de muller de vermello, tres cuartos á esquerda mais mirando á cámara, reproducida catro veces por fotograma: á esquerda, dúas imaxes completas, ocupando case a metade do fotograma; á dereita, dúas imaxes partidas pola metade, verticalmente (que non caben no cadro); no medio, unha escala cromática e un espacio en branco coas perforacións de arrastre do celuloide (dous por fotograma). A imaxe mantense fixa (agás piscadela da moza e letras que de vez en cando destelan). Non hai movemento, a non ser a suxidade e as letras do borde (aquí no centro) que avanzan sorteando os furados. (A. Pagán)

Mais info: http://albertepagan.eu/introducion4/#land

Category:

Film & Animation

Tags:

• Owen Land
• George Landow
• cinema experimental
• structural film
• found footage
• Film in which there appear
• sprocket holes
• dirt particles