El pueblo unido jamás será vencido - testu 'n sicilianu

Lu pòpulu unitu mai veni vinciutu,
lu pòpulu unitu mai veni vinciutu!
Additta, a cantari, ca jemu a triunfari.
Avànzanu già banneri di unitati,
e tu veni marciannu anzemi a mia
e accussì vidi lu tò cantu e la tò bannera
ciuriri la luci di nu russu cuddari
c'annunzia la vita c'hà vèniri.

Additta, a marciari,
ca lu pòpulu va a triunfari.
E' megghiu la vita ca veni
pi cunquistari la nostra filicitati
e nu scrusciu di milli vuci di lotta
si sùsinu, chiàmanu,
la canzuni di la libbirtati,
ccu dicisioni la patria veni a vìnciri.

E ora lu pòpulu ca si susi nti la lotta
ccu vuci di giganti gridannu: avanti!
Lu pòpulu unitu mai veni vinciutu,
lu pòpulu unitu mai veni vinciutu!

La patria sta furgiannu l'unitati.
Di nord a sud si veni a smuvìrisi,
di li salini ardenti e minirali
a lu voscu australi,
uniti nti la lotta e lu travagghiu vèninu
a cumigghiari la patria.
Lu sò passu già annunzia l'avviniri.

Additta a cantari ca lu pòpulu va a triunfari
miliuna già fannu la viritati.
sunnu d'acciau, ardenti battagghiuni.
Li sò manu, pòrtanu la justizzia
e la raggiuni, fìmmina,
ccu focu e ccu valuri,
tu ora si' ccà anzemi a lu travagghiaturi.

E ora lu pòpulu ca si susi nti la lotta
ccu vuci di giganti gridannu: avanti!
Lu pòpulu unitu mai veni vinciutu,
lu pòpulu unitu mai veni vinciutu!

(traduzzioni di Giuseppe Coniglione)

Category:

Music

Tags:

• Sicilianu
• siciliano
• lingua
• siciliana
• sicilian
• language
• rivota
• rivolta
• rivoluzione
• rivuluzzioni
• pòpulu
• unitu
• cumunìsimu
• cumunismu
• cumunista
• sicily
• sicilia
• sicilie