U mutu e Jazzaria

U Mutu e Jazzaria

U peiu surdu è chillu
ca nun vo sentiiira
e lu cecatu chillu
ca nun vo vidiiira
e a jazzaria c'è u mutu
ca fhora de la porta
i juri de natala
nun supporta

cussi l'adi strazzati
e jettati a menzu a viiia
u Mutu comunista
e bolscevicu e jazzariiia
ca lu jura russu no
nun c'è sta mparu
alli porti de stu paisa mpamu

mpattu la cummari
ccu l'occhiu da fineeestra
smicciau lu Mutu
fhara la mineeestra
e lu dissa o sindacu
ca prontu l'ha chiamatu
ti mandu i Carbineri
e l'ha gridatu

o Petru e malanova
chi mpacchiu a cumbenaaatu
a Jazzaria si dicia
co mutu s'ha mpicaaatu
ca povaracciu un parra
ma si senta scornu
un nescia cchiu de notta
e mancu e jornu

dopu tri jorni Petru
era avanzi alla pooorta
ca si cridia lu Mutu
mpicatu a na cooorda
e già sentia lu fhetu
de mortu mpragiscutu
minnaia a vucca mia
c'ha chiatatu

lu jiru a trovara ccu
guardi e carbineeeri
c'eranu i gemelli
l'ambulanza e i pompieri
rumpiru a porta e u Mutu
era prontu a scappara
sti disgraziati
mi von'arrobbara.

Ccussi c'haiu cuntatu
sta bella rumaaanza
tra nui cumpari amici
e omini de paaanza
tra na grispella
e nu biccheri d'uva distillata
ni passamma na bella sirata.

testo e musica
Silvio Ianni

la responsabilità della
diffusione di fatti
realmente accaduti
è da attribuire
alle autorità
ivi menzionate

Category:

Music

Tags:

• canzone
• folk
• storia
• gizzerota