Tussen Treine (Richard van der Westhuizen & Lochner de Kock)

Een van die bekendste en gunsteling Afrikaanse liedjies van alle tye! Dit het op hul 1991 album verskyn met dieselfde naam. Op die foto is hulle saam met Andrew Roos, wat saam met hulle optree en die verwerkings hanteer (ek hoop nie hulle gee om dat ek die foto gebruik het nie!).

Hier is die woorde:

Tussen Treine
Woorde en musiek: Richard van der Westhuizen

Ek wonder wat van jou geword het
Jy wat nog so by my spook
Ek weet net ons het die vuur gemaak
Die wêreld aan die brand gestook

Nou is die nagte soveel stiller
Die dae eis hul eie tol
Maar ons twee was die wilde wind se blare
Ons kaartjies lê die hele wêreld vol

Tussen treine, tussen stasies
Lê daar basies net die leë spore
Tussen treine, tussen stasies
Lê die leë spasies van die onskuld nou verlore

Nou vra ek waar het alles begin
Die ding van los wees voor die wind
Onthou jy ook die rook, die yster
Die lig wat in die verte blink

Dan dink ek terug aan soveel dae
Soveel stawe op die spoor
Ja daar was voorheen 'n tyd van treine
Waar en wanneer het ons dit verloor?

Tussen treine, tussen stasies
Lê daar basies net die leë spore
Tussen treine, tussen stasies
Lê die leë spasies van die onskuld nou verlore

Elke keer was dit 'n afskeid
Elke keer weer 'n begin
'n Honderd haltes langs die spoor
Elke stasie het sy eie skim

Miskien het ek verleer om te kyk
Jy bepaal jou eie baan
Soms sien ek die skadu van jou spieëlbeeld
As spieëls verbrokkel voor die maan

Category:

Music

Tags:

• Afrikaans
• musiek
• music
• ballade
• enkeling
• folk
• Afrikaner
• Rock
• Koos
• Plessis

[LuthandoN]

I'm a black Sout African...ek hou baie van hierie liedjie...ek onthou nog Ballade Vir n Enkeling,,,Ek mis SA ek mis Graaff-Reinet die dorp van my geboorte...

[zsifk]

Ek mis die stof reuk wanneer dit begin reen. Die oop spasies. Die geroep van tarentale, tortelduiwe, hadidas. Vlaktes. Donderstorms in Johannesburg. Wynland, Sonskyn in die Kaap.

[CvRoo]

Bly in die BAY of Plenty in NZ, opreg Afrikaans, bly my taal! Het naby die treinspoor groot geword as 'n kind in SA! Kan nog lekker trein ry in NZ!

[Jakescreed]

Uitstekend en 'n liedjie wat mens laat terug dink aan die goeie tye. As ons land maar net so kon gebly het soos in daai dae...alles is so besig, en dan al die geweld en "curruption".. Dis net nie meer lekker nie!! Waar is die dae wat jy kon stop langs die pad en die natuur geniet, die Here dank vir wat Hy ons gegee het sonder om, om te draai en te sien hoe iemand jou kar steel. Jesus red ons land!!

[LuthandoN]

baie dankie, hoop alles gaan goed.

[1234inx]

@LuthandoN jou Afrikaans is pragtig.

[LouwrensStassen]

Mag God die afrikaners seen, waar ook al in die werld. Mag God julle velig hou en een dag terug huis toe bring! God regeer, bring Hom die eer, lei ons mense O Heer!

[vincendtj]

Afrikaans is tops, bly in Auckland, New Zealand en is trots om 'n Afrikaaner te wees:-)

[XMailer9]

Ongelooflik !!

Fantastiese tye om in te leef.....

[raytiesings1]

Ja, ek is n 'kleurling' Suid-Afrikaaner en alles wat Suid-Afrikaans is, tas nounog my hart aan..swart en wit kos, rolprentjies en veral die musiek..ons is geseend met goeie musiek en musiekaaners..ek mis jou Afrika, ons kom deur swaar tye, maar jy sal altyd naby my hart wees..wit en swart..ek hoop my afrikaans is nie te sleg nie..

[maddyswart]

Ek werk nou in Amerika en die liedjie het my baie na SA verlang

[WomanOfDarkness]

Hierdie is so n mooi lied...

Ek word ook beskou as 'an expat' en gaan so 2 keer n jaar na SA vir n week. Baie van die kommentaar verwys na expats wat wil teruggaan. Verlange na Suid Afrika gaan nie die omstandighede verander nie. n Diepe begeerte om 'huistoe' te gaan, gaan nie vrese minder maak nie. Patrioties of nie, ek is nie blind vir wat werklik daar aangaan nie.