VANGRAIL PELIGROSO

Un vangrail parsialmente kibrá ku tabata kologá riba kaya na altura dje skina entre Santa Rosaweg i Mahaaiweg, a forma un situashon masha peligroso pa tráfiko.
E situashon ne sitio tabata manera televidentenan mes por mira. Un punta dje vangrail tabata sali riba kaya i pone ku tur shòfùr ku yega serka, mester a hala un banda dje kaminda pa evitá kualke situashon ku nan lo lamentá despues. Mester bisa ku ta henter dia e situashon a keda asina sin ku nada a keda hasi na dje, te ora algun siudadano atento a disidí na mèldu e asuntu ne outoridatnan indikando ku si bira skur anto e vangrail keda asina, esaki lo okashona aksidentenan ku por tin resultado fatal. Un ratu pasa ei, algu promé ku 7or, polis i brandweer a presentá ne skina entre Santa Rosaweg i Mahaaiweg kaminda nan a kuminsá ke trabou pa sea kòrta òf drecha e vangrail. Nos ta urgi e outoridatnan pa den kasonan similar, aktua di forma diligente i mas rápido ya ku un situashon asinaki ta rekerí atenshon mesora

Category:

People & Blogs

Tags:

• telenotisia
• notisia
• telecuracao
• telekorsou
• curacao
• korsou
• curacao notisia
• notisia korsou
• curacao nieuws
• VANGRAIL PELIGROSO