De striid om de Sulveren Bal

Ast deryn komst falst midden yn in alder-ferskuorrendst spannende wedstriid. It liket in keatspartij, mar it hat ek wol wat wei fan zwerkbal of de West Side Story... Tryater makket mei it jongste Fryske talint fan de Jeugdtheaterschool/n Meeuw in waarm en muzikaal spektakel oer jonge helden yn ferfleine tiden. Nei wurk fan Nynke van Hichtum.

Grutte húshâldingen, minne tiden. In tiid fan bikkels en bittere romantyk. Wrotte, bealigje en hongerlije. Dochs hâldt elk de kop der foar. Jelle sjocht kâns om te ûntkommen oan de werklikheid troch op it keatsfjild in striid út te fjochtsjen. Hy leveret striid, om kening fan it spul te wurden en de sulveren bal te winnen.

Dizze winterse foarstelling fol passy en fjoer wurdt de hiele krystfakânsje spile en is, sat Nynke van Hichtum skreau, geskikt foar in elk fan 8 oant 108. Regisseur Bruun Kuijt (Wát in teater!, Hansje Brinker, De op-en delgong fan Lytse Fûgel) lûkt dy mei fan spul nei werklikheid, fan it ferline nei it hjoed en fan it fêstsitten yn ellinde nei k(r)ânsen dyst pakke kinst! Net seure, mar dwaan!

De striid om de sulveren bal is in gearwurking fan Tryater, de Jeugdtheaterschool/n Meeuw en Stadsschouwburg De Harmonie. Kaartferkeap fia de Harmonie.

Category:

Entertainment

Tags:

• Tryater
• Jeugdtheaterschool
• Meeuw
• Stadsschouwburg
• De
• Harmonie
• Leeuwarden
• Ljouwert
• Bruun
• Kuijt
• Tamara
• Schoppert
• Jan
• Arendz
• Marijke
• Geertsma
• Hilbert
• Dijkstra
• Lianne
• Zandstra
• Lysbeth
• Welling
• striid
• om
• de
• sulveren
• bal
• 2009
• theater
• frysk