Jauko Barik, Trebeldur (Bzzb eta Goxatu!!!, 2002)

Euskal Herrian emakumez bakarrik osaturiko rock talde bakanetakoa izan da Jauko Barik. Enara Mateok (baxua eta ahotsa), Itxaso Gutierrezek (gitarra, ahotsa, biolina) eta Haizea Loirak (ahotsa, bateria) osatu zuten, 90eko hamarkadan, Donostiako Buenavixta etxe okupatuko lokaletan, eta bi disko kaleratu ditu, bat-batekotasuna darien kantu indartsuz osatua.

1.- Trebeldur
2.- Nor naiz?
3.- Ezin jasan
4.- Erraiak
5.- Hatsaren zain
6.- Txilijoli
7.- Gaitza
8.- Ihes
9.- Hitz mutuak
10.- Itsas garrak
11.- Amorrua
12.- ...ta goxatu
13.- Iluntasuna
14.- BZZB

Jauko Barik ("besterik gabe", Arratiako esamoldean) 1997an sortu zen, hainbat eta hainbat talderen sorleku izan zen Donostiako Buenavixta etxe okupatuan. Enara Mateo eta Itxaso Gutierrez hasi ziren entseatzen, eta urtebete geroago Haizea Loira batu zitzaien. Hutsetik hasi ziren, musika tresnak jotzeko gaitasunari dagokionez. Itsasok biolin ikasketak zituen, baina apenas menperatzen zuen gitarra. Beste horrenbeste esan daiteke Enara (baxua) eta Haizeari (bateria) buruz. Hiru astez entseatu eta gero eman zuten lehen kontzertua; izan ere, zuzenekoetan disfrutatzen du gehien taldeak. "Zuzenekoak dira gure bidea, gure giltza eta taldea bera gaur egun den horretan bilakatu duena".

Category:

Music

Tags:

• jauko
• barik
• gipuzkoa
• rock
• euskara
• 2002