Casa da Forxa

A nosa aldea está emprazada no municipio de Zas, no interior da Costa da Morte. Rodeada de bosques autóctonos, a aldea do Sixto distínguese pola presenza de numerosos hórreos, que fan da mesma un lugar privilexiado que recomendámosvos descubrir.

Fai tres anos decidimos embarcarnos no cultivo de flores, concretamente da clavelina, unha actividade non moi habitual na zona, tradicionalmente gandeira. Ademais de flores, cultivamos de forma natural productos da horta galega, como repolos, porros e coliflores. As propiedades da terra do Val da Soneira é un factor decisivo na calidade das nosas verduras. Tamén criamos años, animais alimentados de xeito natural que medran ceibos na granxa.

Ven a vernos
Estades convidados a coñecernos. So tedes que chamarnos e amosarémosvos como é a nosa vida cotiá na granxa.

Category:

News & Politics

Tags:

• granxa
• familiar
• forxa
• Zas
• años