Rafa Palacios contra la llinia d'alta tensión "Costa Verde"

Rafa Palacios asistió con un grupu de vecinos y manifestantes a la concentración na sede de Delegación del Gobiernu n'Uviéu p'amosar el so refugu a les llinies d'alta tensión, de manera más concreta de la llamada llinia "Costa Verde" que ye'l entronque que xune les llinies Soto-Penagos y Lada Velilla, y qu'escurre ente Lada y Xixón.

La movilización entamóse coincidiendo cola entrega de los miles d'allegamientos a dichu trazáu que fueron rexistraes en Delegación.

"Torretes non", "non más llinies d'alta tensión" o "non a les subestaciones" yeren los lemes que podíen lleese nes pancartes de los manifestantes, ente los que s'atopaba'l candidatu a la presidencia d'Asturies pola coalición BLOQUE POR ASTURIES-UNA, Rafael Palacios.

Los vecinos rexistraron miles d'allegamientos, 1.500 nel casu de Bimenes a les qu'hai que xunir les ellaboraes pol restu de conceyos.

En dichos allegamientos recuéyense diversos argumentos contrarios a la llinia y amás espónense los motivos polos que se consideren innecesarios los proyectos de REE qu'amás cunten col sofitu del Principáu "namái por motivos económicos a cuenta de la salú de los habitantes y d'acabar col medioambiente".

Category:

News & Politics

Tags:

• Bloque por Asturies
• Unidá Nacionalista Asturiana
• Bloque por Asturies-UNA
• Rafa Palacios
• Rafael Palacios
• Yolanda Huergo
• elecciones
• asturianas
• asturias
• 2011
• asturies
• compromisu por asturies
• bloqueuna
• torretes non
• alta tensión