PILOTO MANSELL TA BAI KAS.

E úniko persona ku a pèrde su bida dia 22 di oktober último ora ku Divi Divi Air buelo 014 a kai den laman a keda rekordá durante un seremonia na aeropuerto Hato.
E kurpa di piloto Robert Mansell a keda transportá di funeraria El Tributo pa Aeropuerto Hato kaminda un seremonia privá a tuma lugá promé ku su kadaver a sigui rumbo pa su pais natal. Mas trempan Minister di Transporte i Telekomunikashon Maurice Adriaens a pidi un i tur pa para ketu i mustra rèspèt si nan wak e karavana ku e waha di morto pasa. Esaki tabata pa duna honor pa e piloto ku a reskatá nuebe bida i a perde su mes bida den e avion di Divi Divi Air. Despues di hopi trabau porfin a logra saka e avion kaminda e tabata den pa awor porfin Mansell por reuni ku su famia na Inglatera pa nan tambe por tuma despedida di dje.

Category:

People & Blogs

Tags:

• telenotisia
• notisia
• telecuracao
• telekorsou
• curacao
• korsou
• curacao notisia
• notisia korsou
• curacao nieuws
• PILOTO MANSELL TA BAI KAS.

[realswa]

R.I.P. Curacao will never forget you.