Frits mei Foppe yn China

Frits de kikkert set op 26 july 2008 útein mei syn wrâldreis. Hy giet as earste mei Foppe de Haan mei nei China ta. Foppe is trainer fan it Nederlânsk Olympysk Fuotbalteam, en hy hat him meinommen út Fryslân wei. Dernei giet Frits wêr mei in oar op paad. Dat woe Frits sèls graach. Hy wol wat fan de wrâld sjen, mar hy sil sa no en dan wol in bytsje ûnwennich wêze. Hy sil Fryslân misse, de moaie loften en syn sleat mei de fertroude pompeblêden.
As hy ûnwennich is helpt it om Frysk mei him te praten. Dan komt it wol goed. Foppe sil filmkes meitsje fan Frits en wat hy mei him belibbet yn China. Dat sille alle minsken dwaan wêr't Frits útfanhûs is. Dan witte syn kikkert freonen, dy't thús yn Fryslân op in berjochtsje fan him sitte te wachtsjen, dat it goed mei him is.
Wy, fan Praat Mar Frysk, sette dy filmkes dan op ús website www.praatmarfrysk.nl. We litte dêr straks, op in grutte kaart, ek sjen wêr't Frits allegear west hat. Op de site kinne jo ek mear lêze oer de PraatmarFrysk-kampanje, dêr't al in soad minsken, bekend en minder bekend, oan meidogge. www.PraatMarFrysk.nl

• Category

  Entertainment