zurzum

Dimãndarea pãrinteascã

Pãrinteasca dimãndare
Nã-sprigiurã cu foc mare,
Frats di mumã sh-di un tatã,
Noi, Armãnj di eta tutã.

Di sum plocile di murmintsã
Strigã-a noshts bunj pãrintsã:
"Blãstem mare s-aibã ãn casã
Cari di limba-a lui s-alasã.

Cari sh-alasã limba-a lui
S-lu ardã pira-a focului,
Si s-dirinã yiu pri loc,
Sã-lji si-frigã limba ãn foc.

Nãs ãn vatra-lji pãrinteascã
Pi fumealjã s-nu sh-hãrseascã;
Di fumelãi curunji s-nu bashe,
Njic ãn leagãn s-nu ãnfashe.

Cari fudzi di-a lui mumã
Shi dit pãrinteascã-lji numã,
Fugã-lj doara-a Domnului
Shi dultseame-a somnului!

less