we3rabs's channel

يا اخواه يا عرب لحد امتى هنفضل كده؟
لحد امتى هنجرى مع اى تيار بدون منفكر بالعقل؟

احنا اللى احنا فيه ده فتنه كبيره اوى اوى واحنا للاسف اللى بكلامنا بنشعلها
لو تلاحظوا يا جماعه ان ده مخطط كبيررررر اوى اوى عشان نتفرق عن بعض
مخطط كبير عشان لو شفنا بعض منخدش بعض بالحضن ويكون مابينا كره وعنف وسب وشتايم
ومنجمعش مع بعض كلنا ونبقى ايد واحده ضد اى حد يعدينا
بجد كفايه يا جماعه ياريت بنضيع نصف الوقت اللى بنقعد فيه على النت فى ذكر الله او اى حاجه مفيده

عمر الكلام الوحش ما هيحل اللى احنا فيه
لازم نتضامن مع بعض نحط ايدنا فى ايد بعض ضد اى حد عدو

احب اعرفكم حاجه مهمه جداً جداً وده اللى اكدلى ان فى حاجه كبيررره اوى اكبر من ماتش كوره اللى ورا الموضوع ده

تعرفوا ايه هو؟
موقع اليوتيوب !!

انا كان ليا اكونت بقاله سنه او اكتر
حطيت الصوره اللى انا حطيتها دلوقتى من اسبوعين وشويه وقدرت انى اجمع 77 اخ جزائرى متفاهمين ومصريين كتير اوى برضو متفاهمين للموضوع واخواه عرب كتير برضو ضد اللى المهازل اللى بتحصل ما بينا

وكنا بنقفل فيديوهات وبنحذف تعليقات مسيئه للطرافين
وكان لينا نشاط جامد اوى ومكناش بنضعف قصاد اى كلام وحش
يعنى انا مصرى ولو كنت بشوف كلام اخ جزائرى بيقول كلام مش كويس مكنتش برد عليه كنت بعمل حاجه واحده
ادوس على العلامه اللى هى اليد اللى مقلوبه وغيرى كتير يعملوا كده لحد اما يتقفل
وبرضو اى اخ جزائرى كان بيشوف كلام مش كويس من اخ مصرى مكنش بيتكلم وبيعمل نفس اللى كنا كلنا بنعمله
لاْن احنا كنا فاهمين الموضوع

تتخيلوا ايه اللى يحصل بعد ده كله؟
اليوتيوب يقفل الاكونت بتاعى بدون اى اى داعى
ومعرفتش حتى اجيب اى حد من اصدقائى

يبقوا عرفتم ايه السبب ورا ده كله؟

اليوتيوب عايز حاجه واحده بس
ان اكبر عدد ممكن من الفيديوهات تترفع من الجانبيبن بس تكون مسيئه
لكن مش عايزين اى فيديو منهم يتقفل

متنسوش كمان الحرب الانترنتيه اللى كانت بتدور بين الاخواه السعوديين ومصر
وفيديوهات وحاجات مخجله كانت بتحصل وفى الاخر الحمد لله الامور بقيت كويسه اوى

وغير كده كمان بلاد تانيه عربيه كتير كانت فى حرب انترنتيه مع بعض

بتمنى تكون الرساله وصلت

===========

لا اله الا الله

less