tarawga.tk.تاراوگه‌

سلیمانی
بروام نەبوو بجێت بێڵم
‌هێندەی دایکم بیرت بکەم
هەرگیز لەلام گرنگ نەبوو
تێر تێر سەیری سیمات بکەم
کەچی ئێستا لەغەریبی
لەگەڵ دایکم شەوان لەخەوما میوانی
بۆ بینینه‌وه‌ت به‌تاسه‌م
بیرت ئەکەم سلیمانی
ڕه‌نگه‌ بڵێی بێ ئه‌مه‌کم بم
که‌ ئامێزتم جێهێشتوووه‌
بڕوام پێبکه‌ له‌وساته‌وه‌
به‌باڵات خه‌مم چه‌شتووه‌
لێم ببوره‌ سلێمانی
له‌ دووریتا هه‌راسانم
خۆم ئه‌زانم چه‌ند بێکه‌سم
که‌ بێ دایک و نیشتمانم
بڵێ توخوا که‌ ئێستاک
ه‌ تۆ منت هه‌ر له‌بیرماوه‌
یان من به‌ ڕۆڵه‌ت نازانی
و دڵت له‌سه‌رم گۆڕاوه‌
به‌ڵام هه‌رگیز بڕوامه‌که‌
که‌ من تۆم له‌ بیرچێته‌وه
تۆ له‌ناو ناخما ڕوواوی
هه‌ر دێت و نوێ ئه‌بیته‌وه‌‌
چه‌ند حه‌ز ئه‌که‌م که‌ ببمه‌وه‌
به‌ مناڵه‌ شێته‌که‌ی جاران
له‌ناو خاکو خۆڵه‌که‌تا
خۆم ئه‌گه‌وزان تا ئێواران
به‌ پێی په‌تی ئه‌خولامه‌وه‌
به‌ناو داروبه‌رد له‌ کۆڵان
بێ باک بووم له‌وه‌ی
که ‌دایکم چه‌نده‌ به‌سه‌رما ئه‌یبۆڵان
هه‌موویان بوونه‌ یادگاری
ئه‌وسا هه‌ستم پێنه‌کردن
ساتێ خۆشی بوون تێپه‌ڕین
هه‌رگیز په‌ییم پێ نه‌بردن
ئێستاکه‌ش وا له‌ سوچێکی
ئه‌م جیهانه‌ بێکه‌س ماوم
خۆم به‌خۆم ده‌ڵیم که‌ مردووم
به‌ڵام بۆ خه‌م چه‌شتن ماوم
هونراوه‌ی/ئاوات نه‌سره‌دین
سوید

less