smazagangi

من زمان باسأل نفسي سؤال ومش لاقي له اجابه ..وحتي لو لاقيتها بتبقي مؤلمه اكتر من السؤال نفسه ......هي البلد دي بتظلم ولادها قوي كده ليه ؟ ليه اللي بيحبها كارهاه و اللي بيكرها حبّاه؟ ليه اللي بيسرقها ويغرقها ويقتلها دايما فاكراه و اللي بيتغزل فيها و يبنيها ويعمر اراضيها دايما ناسياه ؟ ليه اللي بيغنيلها كانه بيغني بدمه دايما مجهول ؟....ليه العمله الرديئه دايما هي اللي ع الوش و العمله الجيده دايما ممسوحه؟
معقوله واحد زي الشيخ امام عيسي في اجيال كامله ماتسمعش عنه؟ معقوله واحد زي جمال حمدان يموت وحيد بين اربع جدران ماحدش يسأل فيه؟

less