Tarihin derinliklerinden süzülüb gelmis AZERB...

QARABAĞ GETSƏ ƏGƏR

Məni udsun qara torpaq, Qarabağ getsə əgər,
Yoxdur haqqım mən olum sağ, Qarabağ getsə əgər.

Nə qədər qız-gəlinim düşdü əsir göz görəsi,
Yaz mənim qəbrimə alcaq, Qarabağ getsə əgər.

Dərd vətən dərdidi, bağ dərdi çəkənlr alacaq,
Özgə bir yerdə gözəl bağ, Qarabağ getsə əgər.

Qorxudar bir gecə vallah səni xalqın qəzəbi,
Yetməz imdadına cildaq, Qarabağ getsə əgər.

Oxuyub tarixi bir gün nəvələrmiz deyəcək,
Bizə min tən ilə qorxaq, Qarabağ getsə əgər.

Oynasaq erməninin işvə-nazıynan yenə biz,
Qoyacaq çox yerə barmaq, Qarabağ getsə əgər.

Girəcək tayqulağın qəbrinə tuş çaldıracaq,
Deyəcək bizdədi arsaq, Qarabağ getsə əgər.

Qatılır gah vəhabiylə xristian bu isə,
Atmaq ücün təzə qarmaq, Qarabağ getsə əgər.

Belə şirli və müəmmalı gedişnən, Pünhan,
Ümid Allahadır ancaq, Qarabağ getsə əgər

less