Assalam-o-Alykomm WrrWbb

زه نه شراب غواړم نه بنګ غواړمه
زه د جانان د سترګو جنګ غواړمه




په سينه پروت دئ لونګين دې جانان
زه هم هغه لاچي لونګ غواړمه
راځئ چې واچو اتڼ ځوانانو
زه هغه ډول او هغه ډنګ غواړمه
غروکې ګونګئۍ شوې کوچيانۍ سندرې
هغه شپيلۍ هغه اهنګ غواړمه
د نفاق تخم چې کري په موږ کې
د هغو کور اوکلئ ړنګ غواړمه
زه په اردو او فارسي خوښ نه يمه
ښکلي پښتو ښکلائ فرهنګ غواړمه
وطن که جوړشي بل ارمان نه لرم
د ليلا سپينه خوله قلنګ غواړمه
سيد شاه ستا دديد ن لارې څاري
څومره که لوړ وي ها کړنګ غواړمه


More
څنګــــــــــــه تنهــــــــــا يم بې له تا په دې جهان کې مورې
غمونه راشي له اسمـــــــــــــــا نه زمــا ګريوان کې مورې




ستا د يا دو سره مې او ښــــــــــــکې لارې لارې درومي
زړه په کوګل کې چيغې کاږي ستـــــا ارمان کې مورې
که په هرڅـــــــــــه وي راله راشـــــــــــــــه ډېريواځې يمه
پروا مې نشتــــــه که مې سر ولاړ شي تاوان کې مورې
ستـــــــــا جدائي کې د ژوندون څخـــــــــــــه بيزاره شومه
څنګه به خــــــــــــــاندمه د ادښکــــــو په باران کې مورې
ستا د سترګو برکت ؤ چې هرچــــــــــــــا راته خنـــــــــــدل
اوس خو هېڅــــوک نه راته خاندي يم زندان کې مورې
ستا د ارمان باغچـــــــــــــــه کې زه هم يو بې څاره ګل وم
اوس خـــــــو ازغی يم په دا ټوله بيا با ن کې مـــــــــــورې
زخمـــــــــــــــــونه راشي بيرته نه درومي پر هر پر هر شي
طبيب مې نشتــــــه چې زخمونه مې پاسمان کې مورې
د ليونو غـــــــــــــــــــــوندې د شپې ور ځې بې تا به ګر ځم
هيڅوک می نشته چې مې غيږ کې يا قربان کې مورې
د ځلبــــــــــــلاند د زړه له حــــــــــــــــــــاله بس هغه خبر دی
چې يک تنهــــــــا دی په دا دومره لوی جهان کې مورې

less