Galeguizar Galicia TV

Galeguizar Galicia. Velai o rubro que nos define e guía. Somos un pobo cunha cultura e lingua de seu, que nos diferenza dos demais e ao tempo permítenos estar no mundo con singularidade. Esta arela, desexada polas personalidades ilustradas desde o século XVIII non fai máis que retomar os valores que nos configuraron noutrora como un pobo con personalida propia.
Na nosa historia están rexistrados momentos difíciles para a pervivencia da nosa identidade. Os séculos escuros de marxinación e indefensión deixaron unha forte pegada no espírito dos galegos e galegas, provocando unha decadencia da que intentamos saír. Esa esperanza colectiva debe ser animada polas institucións públicas e polos sectores máis dinámicos da sociedade, estimulándoa con iniciativas e propostas atractivas para provocar unha maior autoestima e conciencia de País.

Vivimos nun mundo en constante movemento. A estratexias da globalización condicionan os ritmos dos pobos e das súas institucións. Implicarnos no proceso ou renunciar a estarmos no mundo, son dúas maneiras antagónicas de estar nel. Consideramos que Galicia debe estar presente nas institucións europeas e participar naqueloutras de ámbitos máis universais.

Galeguizar Galicia para sermos máis nós. Vontade e esforzo colectivo para acadarmos ese obxectivo. Eis porque consideramos que calquera política que pretenda soerguer os esteos da nosa identidade debe abranxer tódolos aspectos que configuran a realidade para implicar á totalidade dos sectores sociais.

Velaqui a actividade de diversas entidades que procurar dinamizar en distintos ámbitos políticas lingüísticas que contribúan a normalizar o noso idioma en ámbitos decisivos e mesmo inéditos.

less