عسى ماازعلتك البارح وزودت الجراح جراح ،،
عسى مامرت الدمعة على اهدابك من اسبابي

جرحتك من كثر شوقي وخليت الكلام رماح ،،
ولاادري اشلون ياعمري طعنتك حيل بعتابي

بدون شعور صدقني ترى كثر الغلا ذباح ،،
تعال وشوف بغيابك غلاك اشلون سوى بي

حرام تغيب من عمري وتعطيني الفراق وشاح ،،
حرام الدمع في عيني مناديله يهدابي

غيابك يشغل عيون الزوايا وامتلي اشباح ،،
وانا انثر صوتك بقلب المكان واشعل ابوابي

تلفت للأمل دام الرجا في عمري المنواح ،،
اناديلك ولو شرهك وصولك تقطع اعصابي

أبيك الجاي من عمري أنا ماابيك شي وراح ،،
مادامك أجمل وآخر مادامك اول احبابي

أبي ارتاح ياعمري أنا ادري هم تبي ترتاح ،،
تعال وقبل ماافرح ترى تفرح بك ثيابي

أحبك يابعد عمر الحزن والجرح والأفراح ،،
أحبك أحبك كثر مانامت عيونك داخل اهدابي

تـجـيـنـي بـعـد مـا حـبـيـت غـيـرك ** حـبـيـبـي لـيـه هـالـحـظـه تـجـيـنـي
حـسـايـف تـوك تـغـيـرك مـسـيـرك ** تـجـي يـوم انـطـفـت شـمـعـة حـنـيـنـي
صـبـرت سـنـيـن ابـي صـحـوت ضـمـيـرك ** ولا فـكـرت بـالـي صـار فـيـنـي
زرعـتـك ورد واشـتـقـت لـعـبـيـرك ** خـسـاره مـالـقـيـتـك فـي ايـديـنـي
بـكـيـت مـن الـعـطـش وانـا بـغـديـرك ** شـربـت مـن الـضـمـى دمـعـات عـيـنـي
سـقـى الـلـه مـا مـضـى و ايـام خـيـرك ** عـلـي قـلـبـك واعـرف انـك تـبـيـنـي
تـذكـر يـوم قـلـبـي مـثـل طـيـرك ** عـلـى كـيـفـك ورايـك كـل حـيـنـي
عـطـيـتـك كـل مـا يـمـلـى نـظـيـرك ** وعـز الـلـي تـمـنـى مـع سـنـيـنـي
تـذكـر لـيـلـة الـقـمـره عـشـيـرك ** وتـعـرف قـدر حـبـك يـا ضـنـيـنـي
عـيـون الـشـمـس تـعـرفـنـي سـهـيـرك ** بـقـايـا الـلـيـل نـجـمـه فـي جـبـيـنـي
انـا بـالـعـكـس يـسـعـدنـي مـصـيـرك ** انـا جـربـت جـرح الـعـاشـقـيـنـي
حـبـيـبـي بـالـعـتـب مـا احـب اثـيـرك ** غـلا مـاضـيـك فـي قـلـبـي وعـيـنـي
تـجـيـنـي بـعـد مـا حـبـيـت غـيـرك ** حـبـيـبـي لـيـه هـالـحـظـه تـجـيـنـي