اخوكم العراقي يدعوكم للتكاتف

العراق موبس بلدي،العراق روحي ودمي،العراق ناسي واهلي بكل مذاهبة واديانة كلنة عراقيين واذا واحد منة ايروح كلنة انروح.

التفرقة انزرعت بس مارح تخضر بينة، الايد بالايد نتكاتف ونبني بلدنة، لاتنطون ابعضكم واوكفواالبعضكم، مثل ماشفتوا ياعراقيين شكد وكفتوا للناس الاخرين بس بهذة الزمن بين منو اليريدكم ويساعدكم ومنو اليحبكم ،ومنو الي يريدكم توكعون.

اتكاتفوا الخاطر الله والعراقكم ليفوت الاوان ترة عراقكم مالة غيركم.
احبكم واللة احبكم واتمنة اشوفكم بعراقنا الحبيب وايد بايد نبني بلدنة.

اخوكم المندائي من السويد
--------------

شوكت توقف دموعي لما اسمع موال حال الغريب؟
احس قلبي رح يوكف كبل دمعتي متوكف
اريد اصيح من بكائي ودمعتي تصير دم وتيزاب
حتى قلبي صار يصيح ياويلي منك وعلى حزنك على وطنك
ياناس كافي تكتلون وتنهشون بلحمكم
ولكم انتو خوان ولكم وين راحت الاخوة؟
ولكم وين غيرتكم؟
ولكم كافي اتكطعون بعضكم
ليش ياربي الي يصير بينة ليش؟
ارجوك ربي رحمتك مو الدموع رح اتكطعني
رحمتك يارب
اهدي دموعي الك يالعراق حتى ازكي كاعك
اهدي جسدي الك حتى ابنيك ياعراق
انتة اني واني انتة

less