About this user
دوى څومره زوره وردي هريو کاريې دى په وس کې
ياران له ما بهتر دي ځکه ښکار يې دى په وس کې
ها ښکلې جادوګره کرشمې لري منګول کې
اقرار يې دى په لاس کې او انکاريې دى په وس کې
رمې رمې ښکلا يې په سازونو کې ده نغښتې
شپونکى يار مې اتل دى يکه زار يې دى په وس کې
څپې د سين به سپيني وي خو داترې کمه نه ده
څارونکى بختور دى چې دا څار يې دى په وس کې
::::::::::::::::::::::::::::::::::::::::::::::::::::::::::::::::::::
که مې دا خدمــت پښــتو لره پکارشـي
پښــــــــتانه پرې لږ دخوبه رابيدار شي
نوهله به مـې محنــت ونيسي ځــای څــه
څـه نا څه به مې زړګی هم په قــــرار شي
" رښــــــــــتين "
::::::::::::::::::::::::::::::::::::::::::::::::::::::::::::::
سر مې جار ستا له نامه
سر مې جار ستا له نامه پښتونستانه
ستا نوم مې نقش شوی په ځيګر دی
پښتانه به ژوندون څه کړي بې له تانه
هر يو ايښي ستا په مينه مال وسر دی
سر مې جارشه ستا د لوړو لوړو غرونه
له غيرته چې هر يو جګ تر اسمان دی
صدقه شم ستا د ګرانو پښتنو نه
چې منلۍ ستا خدمت په ټينګ ايمان دی
دښمن کله بری وړی شي له هغو نه
که هر څو مکر و فريب کې پهلوان دی
ميړنو ګويا ښکاره کړ له ميړانه
ځکه سور بيرغ هر ځای کې لروبر دی
په هر ځای کې چې اصيل پښتون زاده وي
خاص الخاص پښتونستان له خدايه غواړي
هغه څوک چې بې غيرت حرامزاده وي
ټيټې سترګې به د بل لور ته ولاړ وي
اولاده به يې پس له مرګه شرمنده وي
د وګړو د پېغور ځنې به ژاړي
خپل اولاد ته پيغور نه پريږدي له ځانه
هغه څوک چې د سوچه پښتون پسر وي
نارينه توب د پښتنو طبعي عادت دی
بلې بلې چې رښتيا سره پښتون وي
دوی ليدلي د ازاد ژوندون لذت دی
مرګ يې بولي چې محکوم د دوی ژوندون وي
څه ناڅه که يې په کور کې عداوت دی
خو دښمن د پاره بيا په يو تړون وي
پښتون نه دی په شا تللی له ميدانه
ټول جهان و ته ښکاره لکه د لمر دی
چې خپل واک او اقتدار يې د ځان نه وي
که نواب وي صدقه شه ما ملنګ نه
عاجزۍ کې څه پروا د انسان نه وي
خدای دې مانه کړي عاجز له نام و ننګ نه
چې په مال و سر ايسار په ميدان نه وي
جار قربان شه د پښتون د تورې شرنګ نه
خو زما ملنګ جان زړه دی پرې روښانه
نن د هر زلمي په لاس د ننګ خنجر دی
Age
26
Hometown
Afghanistan
Country
Germany
