Successfully removed.
Sorry, an error occurred.
|
ttipiTB uploaded a new video
(2 weeks ago)
|
|
| |
|
|
ttipiTB uploaded a new video
(3 months ago)
Bortzirietako Euskara Mankomunitateak eta bortz herrietako euskara batzo...
more
Bortzirietako Euskara Mankomunitateak eta bortz herrietako euskara batzordeek deituta 200 bat lagun bildu ziren larunbat eguerdian Etxalarren, Euskarari erasorik ez!, Euskarazko komunikabideen defentsan, Ttipi-Ttapa Telebistaren alde izenburupean egindako kontzentrazioan. Ordu erdi batez ixilean egin zen kontzentrazioa plazan, tartean bortz herrietako alkateak zeudela. Beraiekin batera, kirola, kultura eta gizarte mailako hainbat pertsonai ezagun ikus zitekeen, bortz herrietatik, Sunbillatik, Malerrekatik eta Baztandik hurbildutako jendearekin batera.
Kontzentrazioaren bukaeran, Pello Apezetxeak, Etxalarko Euskara Batzordeko kideak eta ttipi-ttapa Fundazioko patronatuko presidenteak hartu zuen hitza.
Apezetxearen erranetan, gertaera larria da ttipi-ttapa telebistak emisioa etetea, sekulako kezka eta ezinegona sorrarazi dizkiguna. Horren aitzinean, honako hau adierazi nahi dugu: Nafarroako Gobernuaren euskararen aurkako hizkuntza politika salatu nahi dugu ozen. Nafarroako Gobernuak, sortu zenetik, inoiz ez du euskararen aldeko jarrera izan, baina azken urteetan, hori aski ez eta euskararen aurkako hizkuntza politikari ekin dio buru-belarri, legegintzaldi honetan, Euskarabidearen mozorropean: lege bidez euskarari eta euskaldunoi ateak itxi, euskararen ezagutza ahal den neurrian oztopatu, hizkuntza paisaiatik euskara ezabatu, euskalgintza ekonomikoki ito zoritxarrez adibide aunitz ditugu.
Euskarazko hedabideei dagokienez, tokiko hedabideen aurkako erabaki edo oztopoak ez direla atzokoak gogorarazi zuen Etxalarko Euskara Batzordeko kideak. Lurreko telebista digitalaren aroa ailegatzear da, eta tokiko hedabideen jarduna arautzeko eta lizentziak banatzeko garaian, gure eskualde osoa, tokiko telebista izateko aukerarik gabe gelditu zen, bertako telebistak egoera irregular eta ezegonkorrean jardutera kondenatuz. Gainera, hedabideei zuzendutako diru laguntzen murrizketak, %95ekoak hain zuzen ere, izan du bere lehenbiziko ondorioa, aise aurreikusi zitekeena, Apezetxearen errantean: Ttipi-ttapa Telebistaren etena. Erabaki hori helburu argi batekin hartu dute, euskara eta euskalgintza itotzea alegia, jakina baitzen tamainako murrizketa batek arrisku bizian utziko zituela hainbat tokiko hedabide.
Bortziriarrei, Ttipi-ttapa telebista berriz ere Bortzirietako etxeetan egotea lortu arte, sentsibilizazio, atxikimendu eta salaketa ekimenetan parte har dezaten deia egin zuen.
less
|
|
| |
|
|
ttipiTB uploaded a new video
(4 months ago)
Bortzirietako Oinarrizko Jendarte Zerbitzuen Mankomunitateak, bortz herr...
more
Bortzirietako Oinarrizko Jendarte Zerbitzuen Mankomunitateak, bortz herrietako udalek, Arantza, Igantzi, Lesakako Irain eta Berako Ricardo Baroja ikastetxe publikoetako eta Toki-Ona instituko Guraso Elkarteek, Berako Ezker Abertzalea, EA eta Aralar udal taldeek, Lesakako Onin udal taldeak, ELA sindikatuak, Lesakako Osasun Zentroak, Igantziko eta Berako Ricardo Baroja ikastetxe publikoek, Cederna-Garalur erakundeak eta Berako Uxua Emakume Taldeak Lana, familia eta bizitza pertsonala uztartzeko bigarren Itun Mankomunatua sinatu zuten ortzegun arratsaldean Berako Herriko Etxean.
XXI. mendeko erronka
Itunan ageri denez, emakumeen eta gizonezkoen arteko aukera berdintasuna da XXI. mendeko erronka nagusia. Berdintasun formala ordenamendu juridikoan jasota badago ere, herritarren arteko berdintasun errealaz hitz egitea eragozten duten gizarte jarduerak aldatzea eskatzen duten diskriminazio modu ugari dago oraindik ere. 2007 eta 2008 urteen artean indarrean izan zen lehen itunaren ondotik, bigarrena 2009 eta 2010ean egonen da indarrean.
Gizarte eragileei zuzendutako ikastaroak
Bortz eremutan landuko da bereziki itun hau eta horien berri eman zuen Ana Irastorza, Irain Guraso Elkarteko ordezkariak. Alde batetik, erantzunkizunaren baloreen aldaketara bideratutako sentsibilizazio ekintzak eginen dira, bertzeak bertze hitzaldi informatiboak, erditzea prestatzeko ikastaroak, Uraren ixiltasuna filmaren emanaldia edo erantzunkidetasunaren inguruko tailerrak eginen dira datozen hilabeteetan. Halere, lehenik Bortzirietako gizarte eragileei zuzendutako formazio ikastaroak eginen dira. Zehazki, bina orduko tailerrak eginen dira martxoaren 12, 17 eta 26an eta apirilaren 2an, 18:00etatik 20:00etara, Cederna-Garalur erakundeak Alkaiagan duen egoitzan.
Haurtzaindegia urte osoko jardueretan eta ludoteka eta jubiloteka urrian
Erantzunkidetasunerako emakume eta gizonen arteko itunak eremuan, giza trebetasunen eta gatazken kudeaketarako tailerra eginen da azaroan eta ituna sinatu duten Guraso Elkarteek parte hartuko dute. Denboraren kudeaketa modu berrien garapen eta finkatzeko eremuan, dirulaguntzak eskuratzeko baremoan, urtartze irizpideak aintzat hartuko dira eta ardura familiarrak duten pertsona langileen ordutegi malgutasuna erregulatu nahi da 2009 urtean zehar. Baliabide eta udal zerbitzuen sorrera, herritarren bizi pertsonala, profesionala eta familiarra uztartzea lagunduko duten ekintzen eremuan, haurtzaindegi zerbitzua eskainiko da 2009an burutu beharreko jardueretan eta horretaz gain, ludoteka eta jubiloteka martxan jarri nahi dira urrian.
less
|
|
| |
|
|
ttipiTB uploaded a new video
(6 months ago)
Berako Manttale taldeak, Agerra Mendi Taldeak eta Gure Txokoak, Berako U...
more
Berako Manttale taldeak, Agerra Mendi Taldeak eta Gure Txokoak, Berako Udalaren laguntzaz, Santa Barbarara II. Igoera antolatu du urtarrilaren 10ean. Xabi Zubieta, Loro Pikabea eta Xabier Saralegi omenduko dituzte.
less
|
|
| |
|
|
ttipiTB uploaded a new video
(7 months ago)
Iaz bezala, aurten ere nekazaritzako ibilgailuen eta ziklomotorren azter...
more
Iaz bezala, aurten ere nekazaritzako ibilgailuen eta ziklomotorren azterketa teknikoak egiteko aukera izanen da herriz herri.
less
|
|
Add to iGoogle
