Coctelaciones / Koktelazioak, desadjetibizatzeko, desnominalizatzeko, joko bat da. Egin ohi ditugun gauzetan, ekintzetan, gustatzen zaizkigun edo ez zaizkigunetan, handietan zein txikietan... oro har, eraikitzen gaituzten ekintzetan, pentsatzeko aitzakia da. Predikatu hauen bitartez identitateak, bilakaera batean, eginean, etengabeko eraikuntzan, irekiak mantentzen dira. "Emakumea naiz" baten bidez subjektua azpimarratu beharrean, "emakume gisa jokatzen dut" edo "emakume egiten naiz" batekin ekintza, eta "emakume" eraikuntza horren sentipena, azpimarratzea da asmoa. "Irakasle naiz" beharrean, "irakatsi egiten dut"... gure egunerokotasuneko predikatuak, hitz bakoitza norberaren eran moldatzeko edo modelatzeko. Lesbiana, futbolista, heldua, berekoia... aldez aurretik adieraz kargatuak dauden hitzak dira, itxiak; eta mundua ordenatzeko garrantzitsuak izan badaitezke ere, momentu batean besterik ez bada ere, Pripublikarrek alde batera uztea proposatzen dituztenak. (less info)