Layon ng programa na turuan ang mga bata ng mabuti at malinis na pamumuhay sa pamamagitan ng mga makabuluhang kaalaman mula sa mga kwentong nakapaloob sa Biblia.

Hindi tulad ng ibang programang pambata, ang KNC show ay nakasentro sa pagtuturo at paghihikayat sa mga bata ng kabutihan ng pagbabasa ng Biblia, bilang isang matatag na saligan ng pananampalataya na nilakaran ng mga unang Kristiano. Ang programa ay laan din para sa mga magulang upang maipakita sa kanila ang maka-Kristiano at tamang paraan ng pagpapalaki sa kanilang mga anak.