هواتف الثوار تتحدث عن السرقات فى سرت،شهد شاهد من أهلها

[alihard100]

ﻻ حوله و ﻻ قوة اﻻ بالله و الله ارى انه ليس من الحكمه عرض مثل هذا الفيديو في هذا الوقتو الله انا من تنغازي لكني ﻻ احبذ ابدا التعميم فمصراته مدينه و ضعت و سجلت اسما ذهبيا الى جانب العديد من المدن اﻻخرى و ﻻ يجوز طبعا طمس عملها بسبب عمل البعض فكما بدات الثوره من بنغازي و الشرق فأنها استمرت من الزاويه و مصراته و الزنتان و نالوت فاحتراما للثوار الحقيقيين من كافة انحاء ليبيا ارجو حذف المقطع ﻻنه يشوه صورة الثوار الحقيقيين

[noshishahbi]

على فكرة اول مرة نشوف حوش مواطن ليبي فيه الكمية هذي من الزيت اللي الحكية امتاعه قبل الثورة كانت تقريباً باربع جنيه ليبيات واول مرة نلقىحوش مواطن عادي فيه ما يكفي مدينة تقريباً بعدين قصة الشرفاء اكثر من غير الشرفاء هذا حوار بيزنطي إن كنت من سكان ليبيا اريد ان اسألك يا صاحب الفيديو هل كانت دولة القذافي دولة رجال ؟؟؟حتى من غير الشرفاء دولة القذافي كانت دولة مخنثين ولا ابرر السرقة من اي كان ولكن المردوم سرق حياتنا كلها ولهذا سنقاتل اتباعه حتى آخر يوم في حياتنا وعاشت ليبيا حرة رغم انف الطحالب

[noshishahbi]

مصراتة وبنغازي اخوة ومن سرق لا يمثل الا نفسه ولا يمثل احرار مصراتة عاشت ليبيا حرة موحدة للابد وخليها تاكلكم يا طحالب المردوم

[sajaeyad99zoom]

هذيم اللي واخذين الظل شكلهم تاعبيين من السرقة قعمزوا يبوا يتريحوا شوية والله أنك مسكين يا صاحب المقطع يعني تبي أتقول أنكم طيبين و ماسرقتوش شيء على الأقل جماعة مصراته أكيد عارفين أن مستحيل مواطن عادي يكون عنده كمية زي هادي في حوشه و أكيد قبل ما ياخذوا الزيت اللي تقول عليه إذا كان زيت أصلاً تأكدوا انه شخص يعمل مع النظام و علشان هكي خدوه لكن المصيبة في اللي سرقوا الذهب و الفلوس زيكم

[3208147]

وبنعطيك بعض الأدلة مرات أتوافقنى ومرات لا

ال500دينار توزعت تقريبا لعند إجدابيا واحنى عرب سرت قصوها منها وقعدوا يعطوا فيها لإجدابيا ومرادة وغيرهانوالله وفرحانين بيها إنها وصلت لهلنا وناسنا

وأيام الأزمة الدولة عالجت اللى قاعد فى تونس من كل الأطراف سواء سواء

الدولة فرجت على كثير من المسجونين فى الازمة وفى دليل اخر إن حتى اللى حاولوا إغتيال الرموز مثل عبدالله السنوسي قاعد حي لعند اليوم لوكان الدولة دموية راهو صفتهم أول وحدين

[3208147]

وحتى الطلبة اللى يقروا فى الخارج صرفولهم المنح زى بعضهم مافضلوش حد على حد كأن الوضع طبيعي

وبنعطيك دليل آخر ماهو رئيس الأركان اليوم مسكوه فى الجبهة وهو من بنغازي وماصفوشي!

أنى ماننكر إن فى الدولة ظلم وفساد ومحسوبية لكن ماعمره الخطأ يتعالج بخطأ أكبر منه

والله تعالى أعلم وأحكم

[2009Libyan]

نبي نعرف سرت موقعها في برقة ولا طرابلس الغرب؟! ليش البرقاوية يمشوا يحرروا المنطقة الغربية؟ والله من خيرة شباب برقة استشهدوا في مصراتة وسرت.. وبعدين مافيش لا وزارات ولا ثمرات.. الله يفك خلطتنا معاكم ياخوتنا الغرابة.. الله يفكها

[Abusleim14]

مخانب ،، لعنهم الله

[akramshuaaib]

انا مش فاهم شنو تبى توصل بهذا الفيديو وانا لا انكر بموضوع السرقة لكن لا تنسى ان فى بعض البيوت كانت مقر للكتايب القذافى وكان مخزن لهم والثوار لا ياخذوا شىء حتى يتاكدوا من المنزل وخاصة اذا وجد فيه ذخيرة وسلاح وملابس عسكرية والى اخره

[3208147]

@akramshuaaib

بارك الله فيك على أسلوبك اللى حقيقة أفتقدته عند كثير من الأخوة

نبي نوصل لحاجة،أن أغلب السرقات يقولوا أشباه الثوار

نبي الفرق بينهم وبين الثوار؟

حتى الواحد مايظلمش حد بينه وبين ربه

[akramshuaaib]

@3208147

وصلت الى بيت القصيد شنو الفرق ؟؟؟؟؟

هذه ثورة شعب فيها من جميع الاصناف فيهم الشيخ فيهم الدرويش وفيهم الخبيث لكن اشتركنا وتوحدنا على هدف واحد هو تحرير الوطن وكل واحد يرى تحرير الوطن بشكل و فى من يرى تحرير الوطن من اجل ليبيا وهذا ليس لله بشىء وفى من جاهد فى سبيل الله

اذا ليس الجميع مثل بعض والرجاء الابتعاد عن التعميم

[3208147]

@akramshuaaib

جميل جدا تقريبا وصلنا إلى نقطة إلتقاء

أنا معك كان هناك السىء والجيد والمتدين والذي لايصلي

لكن ياأخي،أنت تعلم وإن كنت لاتعلم أخبرك،إن سرت لانبالغ غن قلنا 99 بالمائة نهبت،نعم هناك أشياء بدأت تعود تدريجيا

لكن مربط الفرس أين كان العقلاء والشرفاء أليس من المفترض أن لاتؤخذ حتى قطعة حجر من مكانها لإن قتالكم كان على شى واحد فحقوق ناس ضاعت ونهبت وذهبت هباء

من يتحمل هذاهل الشرفاء او الصنف الآخر

أنا أضع اللوم على الشرفاء المفروض أوقفوهم من الأول

إلا إذا كان الشرفاء أقل عددا من الغير شرفاء

[3208147]

@BENGAZAIFOREVER

دكتور من بنغازي ومات في سرت

بالله امتى،عطينى تاريخ موته

وهو دكتور في المستشفى وإلا فى الجامعة

مش احني اللى انديروه الكلام هذا،أرزاق عرب الشرق والغرب قاعدات والله ماقربهن واحد

لكن عدي شوف أرزاق عرب سرت فى الغرب والشرق شن صارلهن إلا من رحم الله

[BENGAZAIFOREVER]

@3208147 مش احني الالي نديروه الكلام هذا ؟ تي انت تكذب علي من ؟ فهمني بس ؟تكذب؟الشهيد اسمه الدكتور عبدالله لمغيربي وجد مقتول ومرمي في مزرعه في سرت يوم تحرير سرت تم تصفيته لانه من بنغازي ..كان مقبوض عليه في الامن الدخلي سرت الي يوم تحرير سرت هو و24 شاب اخري ولكن بعد ان تم تحرير سرت وتواجد الثوار علي مشارف سرت قامتو بتصفيته مكر وحقد واعترف بهذا الاي ماسك الامن الدخلي سرت وهو مقبوض عليه الان في بنغازي ..الرجال جاري الحوش في الحوش دفنته بيدي

[BENGAZAIFOREVER]

@3208147 جاي توا تقولي مش احني  الالي نديرو هالكلام ؟؟؟ تي مفيش حد في بنغازي يعرف اي حد من سرت سواء علاقه صحبه ولا صداقه ولا عمل الا وقبل يوم 19 3 كلمه وهدده وقاله يجرذان وجينكم ياكلاب .. غير نحنا الاي ناس محترمين ومانبو ندير زيكم الا غير هكي انتو الحرق شويه فيكم ...تي في شباب كانو يقرو معاهم ناس من سرت قرو معاهم في الجامعه في بنغازي ..يعني علاقه زملاءه كلموهم يهدو فيهم قبل يوم 19 انت فيش تكذب غير الواحد الله غالب ..يبي يصبر وخلاص

[3208147]

@BENGAZAIFOREVER

أبقولي أني ماغلطش فى أى كلمة وماقليتش أدبي خلينا نتناقشوا بأدب

ثاني شىء بالنسبة للفيديوات مش شرط كل واحد يحط فيديو معناه مقتنع أو يحب الفيديو معناها على كلامك لو حطيت في فيديو فيه خنزير أكرمكم الله معناه أنى نحب الخنزير!!!

والبوابات هذا شىء عادي ونتحداك لو فى حد أضايق بالتعني وسرت ضمنت شباب واجدين من بداية الأحداث وأستقبلت الناس من الشرق ومن الغرب

وبالنسبة للمرجلة كل واحد عارف روحه

[3208147]

مع هذا كله وأنت ماقدرتش اتقول انه هذه سرقة وحرام بغض النظر عن الفاعل سواء كان من الشرق ومن الغرب ولا من سرت ولا من الجنوب

وسيدنا علي رضي الله عنه قال:لا تنظر إلى من قال ولكن أنظر إلى ماقال

وهنا أني انقولك لاتنظر إلى الفاعل ولكن أنظر للفعل

[BENGAZAIFOREVER]

@3208147 انت علي من تكذب ؟؟؟؟ انا ولد خالي راجل كبير وصاحب شركه في طرابلس في بدايه الاحداث مروح لبنغازي هو وصغاره لي الشرق قالي قسم بالله السرتاويه عاملوه معامله الكلب بس لانه يدوي شرقاوي علي بوابه سرت ...قالي السرتاويه عاملوه ولا معامله اليهود بس لانه طارقته ثمانيه مع العلم ان لا له مصلحه مع الثوار ولا مع معمر راجل يخدم علي حاله ...

[girls11092001]

حتى سيارات شفط المجاري سرقت ، حسبنا الله ونعم الوكيل فيهم

[3208147]

@girls11092001

سيارات الكناسة أكرمكم الله

وأنقولك والله حتى بطاطين وصبابيط (شباشب)أنسرقن من سرت

[libyanarmy]

هههههههههههههههههههههههههههههه­هههههههههههههههههههههههههههههه­هه

تي كلكم على بعض مخانب في مخانب 

[blueyoyo08alltheway]

خلوهم يخنبوا..... بالله بلا فتن وجو طابور خامس....

شباب ايحاربوا لمدة +8 شهور ... وهدا رزقهم الى كان يمشى لمعمر وكلابه

فى النهاية تعتبر خنائم حرب.... ليهم الحق فيها

مش معمر والسراوتة كانوا واخدين كل شىء وحارمين باقي الشعب... يمهل ولا يهمل

قولو علينا ثوار ناتو أو اى شىء تبوه فى النهاية قتلناه الطاغي والحمد لله ليبيا حنبنوها من جديد ان شاء الله

ملاحظة للشخص الى يصور... تتسهوك عليهم وتقول تريس... اكيد هما تريس ارجل منك متخبى وراء سيارة... جاهل

ولا تنسى الفتنة أشد من القتل!!

الله أكبر

[3208147]

@blueyoyo08alltheway

ياسبحان الله فى بداية ردك اتشجع عالمنكر وتقول خليهم يسرقوا وفى نهاية ردك أتكبر!!!عجيب والله

سرت اللى تحكى عنها مافيها شىء لامصنع ولا ميناء ولا حتى المطار يخدم،الخير كله كان برا سرت

وسرت واخذه الحشمة بس لكن سرت بهلها وناسها

ثاني شىء الغنيمة تؤخذ من الكافر حسب علمي إلا كان فى رد آخر ياريت توضحلي كان الغنيمة تؤخذ من المسلم؟

وشىء آخر الغنيمة ليها مكانت توزع فيهن بمعنى لها مصارف معينة مثل الزكاة فهل ياترى الللى انسرق وغنمتوه من سرت عدا وتقسم بشرع الله

والا الغنيمة واخذه الاسم بس

[TheKewe007]

@3208147 يا خونا اللي يصور في الفيديو قالك زيت سيارات ....وهذا المواطن منين ليه عبية 3 سيارات في بيته كان مش خانبه ويبزنس فيه في ايام الحرب ...وفي من يبزنس الا في الغلابة اللي القرذافي سرق فلوسهم وهالشكالات يسرقوا في اللي باقي ... وبعديين زيت السيارات بالتأكيد استعملوه في السيارات الي يتحرر ليبيا من هالبهايم

[3208147]

@TheKewe007

ياسيدي حتى مانصدعوش روحنا خلينا نفترضوا إنها صاحب محل تغيير زيوت

وإلا واحد صاحب محل حاطه عنده أمانة

يختلف الحكم عندك وإلا قاعد نفسه

هذه بينك وبين ربك

[robolib]

@blueyoyo08alltheway توا فتيت فيها يا شيخ و قلت خنائم و خليهم يخنبو

حالة والله

اقرا شوية عن دينك الاسلامي و اعرف ان الغنيمة تغنم من عدو مشرك في ساحة المعركة مش داخل حرمة بيت

تاني شي الغنيمة يعود خمسها لولي الامر و و يعطي مايراه مناسب لبيت مال المسلمين و الباقي يقسم عالمحاربين

اطير تركب تنزل هدي خنبة و ربي حيحاسبهم عليها زي ماحيحاسبك علي تعليقك يا مسلم لو كنت مسلم افهم و اعرف ان فبراير مش دين اسلامي جديد

واني مؤيد لنزع القدافي لكن معارض لكل اللقطات الغبية لي صارت زي هدي

[3208147]

@robolib

بارك الله فيك

وأنى مؤيدك فى كل كلمة قلتها

[BENGAZAIFOREVER]

يستهلو السرتاويه لكب .وصنديق الزيت وهذا القصر لمسخط وين لقيه صاحبه ؟؟؟؟ مو سارقه من رزق الشعب الليبي ؟ السارق من السارق كالورث من ابيه .....وبعدين مصراته مش بس هالثلاث سيارات .... ولا تزر وازره وزر اخري ..... وبالنسبه لي اناا حلال عليهم ...مش سيف الاسلام قال سنحتكم لسلاح ياا ليبين ؟؟؟ خلاص اهووو احتكموو لسلح وفكوو مناا حتي سرواله وسروال بوه بقوه السلاح .....وسرت في نظري بلد عدو وكل ما يوخذ من عدو بقوه السلاح مغنم ...راي شاب من بنغازي

[3208147]

@BENGAZAIFOREVER

أولا هذا حوش شعبية عادي وصاحبه بانيه عالثاني ماهو قصر،لكن أنتم اين شىء في سرت دايرنا أسطورة

صار أنت معترف إنها سرقة وهذا شىء جيد،وثاني شىء حرام عليك تطلق حكم على صاحب الزيت

اني بنعدى معاك لتفكيرك نفترض انه صاحب الزيت سارقه انى انقولك يستاهل

باهي لو فرضنا أن صاحب الزيت دافعه من فلوسه وتاعب عليه من حر ماله

شنو الحكم زعمك؟؟؟

[BENGAZAIFOREVER]

@3208147 حوش شعبيه ؟؟؟؟ ياحبيبي علي حوش الشعبيه ؟؟ قصدك هكي هنا الحوشين الشعبيه في سرت ؟؟؟ املا القصور كيف ؟؟؟ سامحني انا راه من شعبيه  في بنغازي وكان حوشي كان هكي راه ماقمت علي معمر ليوم الدين .... وبعدين حوش الشعبيه اهوا وين لقي كل هالزيت ؟؟؟ كيف املا مئجر مخزنه لدوله ؟؟؟ علي حسب علمي الجو اهوا منوع في ليبيا القذافي؟؟ وبعدين اعتبرها ديه الشهداء الاي انت فرحان بقتلهم في قناتك ..ولا تبي الحج وتبي السلامه ؟؟ مش دايرين روحكم رجاله ؟؟؟

[3208147]

@BENGAZAIFOREVER

حوش شعبية وماتخلينيش نحكي على قصور بنغازي،خلي التبن مغطي شعيره

حوش وعالثاني لكن انت تبي اديره إنه قصر سندباد لغاية فى نفسك وهي إن أهل سرت يتنعموا فى النعيم

لكن لو تعرف حد جي لسرت توا ايقولك والله يسامحك أنى نفرح بقتل الليبين

أبدا نحزن لكل ليبي يموت

احنى حاره ونصف

وإن شاء الله يارب ماعاش نحتكموا للسلاح

[BENGAZAIFOREVER]

@3208147 وبعدين هضاء حكمو ولدكم مش ولدكم سيف الاسلام قال سنحتكم لسلاح ؟ اتعرف مايعني هذا القول ؟ ان الحكم في ليبيا سيكون لسلاح ..ومن ينتصر بالسلح له الحق في فعل ما يوريد في المهزوم.وبما انك لم تقول لا لسيف الاسلام وابوه فهذا يعني انك كنت موافق وبالتالي احصد ما كنت انت موافق عليه وتقول وتمجد من قاله . وبعدين هذا انتقام ربي لما فعلتوه في اجدابيا وبنغازي ولتهديدكم لي اخوانكم الليبين في بدايه الاحداث ..ولا انسيت بوبات سرت في بدايه الاحداث

[zakzoro]

خليهم فرسانك في الظل تعودنا عليهم في الظل من يوم صارت .. خلي الشمس والحر للتريس... جاااااييينك جااااييينك

[zakzoro]

عدي شوف جماعتكم ياكلب شن دارو العار ايفكوا في السيارات والذهب من الناس .. مش زيت سيارات

[TheRightOfReply]

ثوار الناتوا لكم من الله عذاب شديد 

[3208147]

سبحان الله أين تعليقاتكم يامناصري 17فبراير

أعجزتم عن التعليق أم ماذا؟

لا تستطيعوا ان تقولوا هذا حلال وشىء عادي وغنائم من الكفار

أو تقولوا هذا حرام ولا يجوز وعيب ولا يصح

قال تعالى (يَا أَيُّهَا الَّذِينَ آمَنُواْ كُونُواْ قَوَّامِينَ لِلّهِ شُهَدَاء بِالْقِسْطِ وَلاَ يَجْرِمَنَّكُمْ شَنَآنُ قَوْمٍ عَلَى أَلاَّ تَعْدِلُواْ اعْدِلُواْ هُوَ أَقْرَبُ لِلتَّقْوَى وَاتَّقُواْ اللّهَ إِنَّ اللّهَ خَبِيرٌ بِمَا تَعْمَلُونَ }المائدة8