مشروع مجمع التنس الدولي بالكويت

[silkcityq8]

يارب سهلها علينا

وهذي الكويت صل على النبي

[alobd97]

ياخي انا متفائل بمستقبل الكويت والحمد الله

خطة تنميه بقانوون وميزانيتها ضخمه

مشرايع تنمويه كبيره

مشروع جسر الصبيه الي راح يربط الكويت ببعضها

وعمار يا كويت يا احلى بلد

[YA10YA]

نبي مضمار سيارات للدارق ريسنغ والدرفت شنبي بالتنس والقولف والله حالة اغلب شباب الكويت يحبون رياضة السيارات

[Fa9LaWeYaGROUPQ8]

متى يخلص

[mamary124]

عمار يا كويت عمار يا كويت. الله يحفظ دريتنا واميرها والي الامام

[AbuLafy]

اللهم آمين

[phenmix]

تره مع البنت حق- انت ما قريت بل جريده اذا الكويت ما صارت دوله زينه اب 5 سنين راح يعطونك حق عراق او سعوديه -ليش جذي مو حرام هل ناس الي تحكم الدوله بس يبون فلوس

[AbuLafy]

انا اتفق معاها .. لكن اختلف بطريقة الطرح

نشوف مشاريع دول الخليج .. و نتحسر على حالنا

[AbuLafy]

انا اتصور يا اخت مرام فيه اسلوب افضل من جذي لطرح رأي .. اما التهجم مو ممقبول نهائيا

احنا فعلا نتمنى ان نتطور و نتقدم و لكن مع الحفاظ على هويتنا و عادتنا اللي ما تمس ديننا الحنيف و نحافظ على اخلاقنا وصورة المجتمع الكويتي المحافظ

تحياتي

[mram5616]

dam fe shay isma majlis el khamah agsid el oma malkom amal tshofon hal mashro3, 3amy ya3nee into bitfahmonee alina karnakova ra7 til3ab hnee

7awalaiha hal 3agad wa salaf majlis el khama agsid oma hahaha dam fee

3agad wa salaf 6agat hayif wa el

6ba6ba'ee malkom amal yseer

khlna 3ala mashakil el misayed el cheenkoo wa el fkir el gabalee el mit7ajr wa fkir el erhab, walah 7asafa 3alaich ya kuwait

[Ezrael007]

@mram5616 تم قــــبول النداء .... معااااج حق دااام مجلس الامه موجود واشكال هايف والطبطبائي مافي شي اسمه عمار يا كويت في شي اسمه فلوسج وين يا كويت ... مخلين الشعب يلتهي بالقروض والنواب يبلعون بالفلوس ولا اكو مشاريع ولا في شي ... راااااحت لؤلؤة الخليج :(

[3alaiwii]

متى يخلص هالمجمع؟ .. و راح تصير فيه بطولات عالمية ولا بس عربية ؟

[AbuLafy]

ان شاء الله بيخلص سنه 2012 ..

و شي اكيد بتصير فيه بطولات عالميه

و مستقبل التنس بالكويت مشرق ..

تحياتي لك

[BOSHKAASH]

اي اي عرفته هذا قاعد يبنونه بجنوب السرة .. ماشاء الله شكلة روعة ..

[AbuLafy]

يا سلام عليك

اي هو هذا بالضبط اللي يم مجمع 360 مول

^_^

و ان شاء الله نشووفه باقرب وقت

[ahmadtt2t]

والله لو نفذوا كل هالصور والمشاريع

كان الكويت الحين من احسن الدول في الكون

بس الشكو لله

[AbuLafy]

الشكوى لله

[AbuLafy]

^_^

الله المستعان ^_^

[BEECOOL101]

المشاريع وايد والمخطاطات جاهزة

بس متى التنفيذ ؟

واذا بلشوا متى ينتهي؟

مثل مجمع 360 اللي صارله تقريبا 9 سنين وتوه يخلص

ولا استاد جابر اللي مشروعه كان جاهز من الـ1985 وليلحين ماخلص

ولا نيي حق دوار الجوازات اللي خذاله 5 سنين يالله خلص

هذا غير الاسكان وغير وغير وغير

نبي سرعة انجاز

[AbuLafy]

اي و الله معاك حق ..

شوف تطور قطر و الامارات ..75 % من مشاريعهم افكار كويتية..

عندنا عقول كبيرة و افكار ممتازة .. لكن للاسف ماكو تنفيذ..

على فكرة مجمع 360 مول بعد اسبوع يفتحونه ^_^

تحياتي

[BEECOOL101]

عارف شنو المشكلة؟

المشكلة ان مافي تعاون بين الوزارات وكل وحدة تتنيحس مع الثانية

عندك البلدية انحس وزارة بالكويت ماتبي تعطي اراضي مع روتينها الغبي

والاشغال اللي مالها خلق تشتغل

والاسكان اللي تشتغل على الراحة ليما وهقت نفسها من كثر طلبات الاسكان

[BEECOOL101]

والحين كملت مع مجلس الخمة اللي طلعلنا

الشركات جاهزة وتبي تشتغل بس مافي تسهيلات

تحياتي لك

والله يحفظج ياكويت

[T3rm3nator]

عاد مو 75% هذه مبالغ فيها 25% منطقي 40% إذا تبي تدزها بس 75% ظلم بعدين شنهي أفكارنا المميزة حدنافنادق ومجمعات

[AbuLafy]

هذا كلامهم طال عمرك ...

احنا نفكر بس ما ننجز هذا عيب الكويت

[boo3ezooo]

وين مكانهم بأي منطقة

[AbuLafy]

بيكون بجنوب السرة عند مجمع 360 بالضبط (( على الدائري السادس ))

[derty0kuwait]

الحمدلله انهم توهم قامو يهتمون بهالعبه الحلوة معنا احنا بالكويت متأخرين وايد بالنسبه لدبي مثلا البطولات العالمية الي يشارك فيها فيدرر ونادال قاعده تصير بدبي

[AbuLafy]

الله كريم إن شاء الله ^_^

[mmfq8]

نسيت أقول مجمع التنس هذا أعتقد كانوا مبلشين فيه من 2005 و إلى الآن ما افتتح ، يا ما ورا السواهي دواهي

[AbuLafy]

لا عادي هذه الكويت .. اتصور بيخلص بعد 3 سنوات .. اهم شي انهم الحين شغالين فيه يوميا امر عليه..

تحياتي لك

[AbuLafy]

بخصوص ملاعب التنس متوفرة و بكثرة .. و حتى معاهد التدريب الخاصة .. يمكن شوي غالية ..بس صدقني اللعبه تستاهل .. لعبه حلوة و ممتعه .. اما الفنادق .. بتكون خاصه لسكانها بس .. الا فندق النخيل سمعت انه عادي . و هم الاسكواش بعد .. نفسها و اسهل منها ..

[mmfq8]

؟و هل صحيح أن الفنادق فيها تعليم تنس و كيف الطريقة ؟ و هل أقدر أأجر ملاعب اسكواش و أتدرب فيها بروحي ؟ و وين ألقاها و بجم ؟ ( غشيم حدي :) ) و الله يجزاك خير يا بولافي و تحملنا ما في ناس كثيرين يعرفون معلومات عن التنس في الكويت و بعض المنتديات ما تعطي ويه ، البركة فيكم

[AbuLafy]

و بخصوص المنتديات و غيره .. لا تشيل هم .. انا بخدمتك و كلي لك يالغالي .. اي شي تامر عليه أنا حاضر .. طرش لي ايميلك مسج و لا تشيل هم ,,

تحياتي لك ^_^

[mmfq8]

الله يجزاك خير و كثر الله من أمثالك و ما تقصر و هذا الإيميل MMFQ8@hotmail ، و يا ليت الأماكن اللي تذكرها تكون حول السالمية علشان المسافة أو محافظة حولي عموما أو أي شي تشوفه زين :) و مليون شكر لشخصكم الكريم

[mmfq8]

الله يجزاك خير يا بو لافي، ممكن الله يخليك تتحملني و تجاوب على أسئلتي حكم إنك لاعب تنس ، أنا ودي أتعلم تنس أرضي ، سألت عن النوادي

قالوا ما ياخذون إلا صغار ( 7 أو 8 سنين )، طيب عيل وين أروح علشان أتعلم ؟؟ و وين ألقى ملاعب تنس ؟ و كم الأجار ؟

[AbuLafy]

حياك الله يالغالي و ما تقصر ,,

فعلا بخصوص النوادي هالايام يركزون على الصغار اكثر شي و هذا سبب تدني اللعبه في هالوقت .. على قولتهم قاعدين يصنعون لاعبين بالمستقبل (( طل )) ..

[fff111kkk]

wooooooow nice

[AbuLafy]

انت النايس

[AbuLafy]

^_^

يعني .. تتحدى انا و الا انتاا

لووول

يلا ان شاء الله انا و انت نلعب فيه مباراة و ازلقك فيها لول

تحياتي قلب

[4447740]

والله كلام طيب يا جماعه .. ونبي شباب نباريهم يعلمونه ونستفيد .. لان هاللعب صراحه ادمان

[AbuLafy]

حبيبي ما تقصر .. و ان شاء الله الشباب موجودين و بكثرة ..

حاضرين يالغالي .. عند وجهك ^_^

[BwagBnaT]

بولافي متى يخلص المشروع؟

[AbuLafy]

اتصور خلال سنه و نص تقريبا .. روح جنوب السره عند مجمع 360 مول ^_^

[slom1980]

يعطيك العافية اخوى ماعندك خبر عن موعد افتتاح هذا المعلم الحضارى

[AbuLafy]

الله يعافيك يالغالي

المشروع حاليا شغالين فيه .. بجنوب السرة بجانب مجمع 360 .. يبيله سنه و نص تقريبا .. لانه كبير شوي ..

تحياتي

[ALDowaisan]

اي ماشالله بولافي خوش لاعب,اتوقعله مستقبل

انا شخصيا الصراحه لعبت معاه.لاعب ممتاز بس بالارسال شوي لك عليه,بس ما الومه لانه هذا لعبه من غير مدرب,انصحك يا بولافي تحطلك مدرب وتطور مستواك,وتشارك ببطولات محليه.

وان شاء الله يابولافي انشوفك شايل كاس الرولاند قاروش والومبلدون @_@

[AbuLafy]

شكرا على هالمدح صديقي .. اخجلتم تواضعنا ..

الحمدالله الواحد اذا استمر بالتدريب بيتطور مستواه اكثر و يصير افضل باللعب .. و انت بعد ضروري تشارك معاي بالرولاند جاروس و الويمبلدون .. و اي بطولة محلية ندش زوجي .. لاني استمتع باللعب معاك .. انت ماشاء الله عليك فنان .. ياليرموكاي :)

[shwieny]

اففف ما بغى يسوون مجمع حق التنس

ماكو الا ملعبين مادري ثلاث ( مشرف وبيان والسرة ) وكل مركز في ملعب واحد

ماكو مكان زين الا الجامعة ويصكرون مبجر بعد

الواحد بيلعب مو قادر

انشالله هالملعب يحل المشاكل

[AbuLafy]

الله كريم إن شاء الله ..

و الحمدالله ^_^ المشروع خلص اكثر من نصه الحين

يوميا اروح اشوفه ^_^

إن شاء الله نباريك هناك حجي ^_^

[shwieny]

لووووووول

اوكي ما عندي مانع انا

بس انت شكلك فنان .. انا على الله ههه

[66IS666]

زين والله يالله الحمدالله الكويت قامت تتطور يوم عن يوم ويستاهلون عيال الديره ...

ماتقصر أخووي ....

متى يسوون شي بصباح السالم :> :> ؟؟؟

[AbuLafy]

تسلم يالغالي ..

بصباح السالم فيه مشروع لملعب كرة سله و على مستوى عالمي .. و هالخبر اخذته من واحد موثوق .

مبروك عليكم الملعب اليديد ^_^

[ALDowaisan]

مجمع تنس راااااائع

بانتظار افتتاحه على احر من جمر لنتتمتع بسحر نادال ,,

وان شاء الله انشوفك يابولافي واحد من ابرز لاعبين التنس في هالمجمع الجميل ^_*

ويعطيك العافيه على الفيديو ^_^

[AbuLafy]

مشكور يالغلا .. و ان شاء الله انا وانت نوصل النهائي ونطق نادال وفيدرر .. قول امين بس ^_^

[QadsiaKing]

بأي منطقة ؟

[AbuLafy]

بيكون بجنوب السرة عند مجمع 360 بالضبط (( على الدائري السادس ))