عراقي يقول كل شيء بدون كلام

[Samr3D]

اكو مثلين ينطبقا على الجماعة

الاول : من قلت الخيل شدينا على الجلاب سروج

الثاني : المطي بين الحمير ركاض

مع احتامي للقراء ولصاحب الفديو ومشكور

[BaGhDaDii]

هذي هية الحقيقة !! الي ميريدون يصدكوها العراقيين

[wd40gb]

والله اعتقد ان الملاكى اخذ هم كبير وهو يحاول بكل المستطاع

بس المحيط كله حراميه وجيران العراق مامقصرين

خو على المى والكهرباء من ايام صدام ماكو وماكان تفجيرات

والامن مستتب

[BaGhDaDii]

يا مالكي يمعود انت تحجي صدق ؟؟ خلي الله بين عيونك !!المالكي الي تمدح بيه طلع فلاح سوداني كفالة واقال مدير مطار بغداد لان رجع الطيارة ؟؟ صدق لو كالو ان كنت لا تستحي فا افعل ماشئت

[wd40gb]

اخى الكريم من حقك تنزعج لانك تريد الافضل للعراق ومن حقى اعطى العذر لانى اشوف الواقع من وجهه نظرى بس لو كنت مكانه ماكنت رح تقدم اكثر منا اخذ بلد محطمه مديونه مخترقه كلها مؤمرات الكلام سهل بس من تكون ب الواقع رح

تنصدم تصليح مؤسسه صعب مابلدك بلد

[BaGhDaDii]

لا محطم ولا بيه شي هية خمس وزارت محروكة وبدالة المامون مضروبة والسنك !!صارلهم ست سنوات مصلحوها صدام سنة 91 دمروله البلد رجعة بشهرين يمعود انت تشوف بعين وحدة والعين الي تشوف بيها من مصلحتك وين مصلحتك تروح وياها واني اكلك المالكي لم يقدم

[wd40gb]

اعصبك اخى مصلحتى شنو انا العراق ماقدم اى شيئ لى من ولدتى للحين طولى عمرى انا بالغربه ومعلومات صدام اهتم بس بغداد يعنى المحافضات كانت تعانى مافها ماى وكهرباء

[BaGhDaDii]

وبخصوص المؤامرات والدسائس فهاذي موجودة في كل دول العالم هذا يسموه تنافس ,,وافكار جديدة وكل شخص عندة افكار واحزاب تمثلة وكل فترة تتبدل الاحزاب مو مثلنا احنا العراقيين نحب نخترعلنا صنم ونعبده مثل الصنم الي حرك ابهاتنا خمس 35 سنة هسة تريدون تجيبولنا صنم المالكي

[wd40gb]

مافهمت شيئ دام ماهو عاجبك صدام ولاالمالكى شتريد بالضبط انت مع منو بالضبط

[BaGhDaDii]

اي طبعا ميعجبوني لان ثنينهم يحبون الكرسي ولعلمك المالكي مستعد يعدم امه علمود الكرسي ,,مع كل احترامي لاافكارك انت مبين انسان مثقف بس مشكلتك مجبور تكول المالكي زين لان ,,, من قلة الخيل شدو على الجلاب سروج

[BaGhDaDii]

وانت مو اتكول احنا بلد الحضارات ؟؟ ليش ترجع تناقض نفسك وتكول بلد مؤامرات ودسائس ؟؟ قابل احنا الي قتلنا الحسين لو احنا الي قتلنا الملك فيصل ؟؟ لو احنا الي قتلنا عبد الكريم قاسم ؟ لو احنا لو احنا عمي الحجي طويل والجرح قديم واني اعتقد اذا انظل نجامل بعضا يضل يجري دمنا

[aamadwj]

وشويه شويه نتعلم شنو معنئ الديمقراطيه ,,ليش همه الغرب احسن من عدنه اشوا احنه اهل القوانين والشرائع

[IRbaghdadAQ]

كنا اهل القوانين و الشرائع

الغرب احسن من عدنة بكثبر هسة

[aamadwj]

عزيزي ماكوا انسان احسن ممن اخر ,,,بس يعتمد على العقل ,,همه يستعملون عقلهم بالبناء والتطور واحنه نستعمل عقلنه شلون نحتال واحد على الثاني

[BaGhDaDii]

يا يابة العراقي شكد خشمة يابس احنا اهل القوانيين والشرائع هاي وين وشوكت ؟؟ لا اتكلي من جان حمورابي ترة هسة اراتكب بيك وادخل ابو غريب كافي بطلو هاي السوالف احنا لاشي اعترفو ولن تقوم لكم قائمة حتى لو حكمكم رب العالمين !!طبع الذي بالبدن ميغيره غير الجفن

[aamadwj]

هوه هاي التعرفوه ,,سجن ابو غريب ,,احجي على نفسك بس العالم بيه الزين والموزين ,,,احنه مو مثلك بس العصه يمشينه احجي عن نفسك بس ولا تشمل الكل ,,

[BaGhDaDii]

عزيزي ,,خليها ابالك ماكو شي اسمه حقيقة مطلقة ..يعني اكو ناس تكول اكو الله واكو ناس تكول ماكو الله نكدر نعترض عليهم ؟؟ العصى لم عصى هذا مو صحيح حتى الانسان من تريد تسجنة لازم توفرة ظروف جيدة حتى ميرجع يسوي نفس العمل لان السجن اصلاح وتهذيب وليس صوندات وكيبلات

[aamadwj]

اي مكذب الاخ لمن نحجي

الديمقراطيه نتعلمه شويه شويه ,,بل اول كنه نتظاهر جبرا بس لحب صدام ,,اما الان نتظاهر على البطاله ونتظاهر على الحكومه وعلى الكهرباء ,الحمد لله عده ديمقراطيه ماكوا من الدول العربيه تملكه ,,بس اان شاء الله تغير الئ الاحسن

[IRbaghdadAQ]

اي غير نتعلم الديمقراطية وين الديمقراطية هسة بالعراق

السوداني يسرق مليارات ويطلع برائة

والفقير يفتح بسطية بالشارع ينسجن لأن تجاوز على المال العام

هاي ديمقراطية

[aamadwj]

مو اكولك منعرف شنو معنات الديمقراطيه ,,اخي فرق بين الديمقراطيه وبين الاحتيال والنصب ,ومنو كلك السوداني بارءه طلع ,و وين يروح من الله والناس هاي كله بركبته ,,

[IRbaghdadAQ]

الديمقراطية هي كلمة اغريقية معناها حق الشعب او صوت الشعب

بالعراق هسة وين حق الشعب

[hasoun]

الديموقراطية كلمة يونانية, تعني حكم "الديموس" و الديموس هم العامة او الشعب